VOV4.K’ho-Tàm tu\ tơngai khà priă đèng gơguh uă, broă ngui đèng mat tơngai lơh tềng hơđang rkàng hìu geh dong uă hìu bơnhă klàs bơh jơnau kơlôi rcăng gơguh khà priă đèng. Kuơmàng rlau, do là ồs đèng sàng kloh pơgồp bơnah sền gàr tiah ơm kis.

Là công ty lơh gơlik kơldung, priă tă ngui đèng pah ngai uă ngan, den tàng kwang đơng lam bồ Công ty Trách nhiệm hữu hạn kơldung Hồng Đào tàm Tiah lơh sa mờ măy mok Hoà Khánh, [òn dờng Đà Nẵng pal jòi tơl ală bơta nàng tơrmù priă tă lơh sa. Mpồl lơh sa kă bro rơndăp tăp sèng wơl broă lơh, tơrmù khà dơ\ tơn chơ\t, pờ măy mờ lơh broă tàm tơngai ờ huan cau lơh broă, ờ huan ngui ồs đèng. Mơya, hơ\ mìng là ală broă lơh ing lơm. Mpồl lơh sa kă bro do neh kơlôi tus gùng dà ngui đèng măt tơngai lơh tềng hơđang rkàng hìu. Tềng đap mat, mpồl lơh sa kă bro do crăp tơrlòng lài đèng mat tơngai tàm hìu duh broă tờm bơh Công ty dê mờ priă tă lơh mờr 300 tơlak. Ồng Phạm Ngọc Bình, Kuang atbồ dờng Công ty Trách nhiệm hữu hạn kơldung Hồng Đào pà gi\t:

Jat broă rơndăp lơh den lồi nhai 6, bồ nhai 7 nam do, jơh ală đèng ngui tàm hìu duh broă tờm geh ngui đèng mat tơngai. Tơnơ\ tu\ tơngai hơ\ dilah đèng mat tơngai kơ\ kơl jăp den geh ngui đèng mat tơngai lơh tềng hơđang rkàng hìu tàm hìu măy đah jum Đà Nẵng. Mờ trồ tiah ngai sơlơ duh bè do, đèng mat tơngai geh gơ gơs là gùng dà dong ai mpồl lơh sa kă bro in tềm pềr geh bè khà priă đèng gơguh, bè priă tă apah cau lơh broă.

Đèng mat tơngai tềng hơđang rkàng hìu geh tơl pràn sơndră wơl mờ trồ tơngai duh ai hìu bơnhă in

Ù tiah tàm gùl lơgar mờ Tây Nguyên geh bơta àng mat tơngai jroh mờ khà jiơ tơngai kờp bal uă ngan, bơta pràn uă nàng bơtàu tơnguh đèng mat tơngai tềng hơđang rkàng hìu. Broă ngui đèng mat tơngai tềng hơđang rkàng hìu geh uă bơta kuơ, bè: tềm pềr priă ngui đèng, gơtùi tăc bơnah đèng jơngkah ờ ngui ai gah lơh ồs đèng in. Jat kờp du\, 1 hìu bơnhă crăp ală đèng măt tơngai tềng hơđang rkàng hìu ơnàng pơgăp 14 thơk vuông, pràn lơh gơlik ồs đèng pơgăp 2 ki lô oát Pick jơh 20 tơlak priă. Bè hơ\, kờp jơh priă hìu bơnhă tă pơgăp 40 tơlak. Mơya, kờp bal đèng mat tơngai lơh gơlik geh hìu bơngă ngui pơgăp 30%, gam wơl 70% geh tăc mờ gah lơh ồs đèng in. Bal mờ hơ\, broă lơh đèng mat tơngai tềng hơđang rkàng hìu geh tai bơta pràn sơndră bơta tơngai duh ai hìu bơnhă, mờ anih lơh sa in…Ồng Mai Văn Chung, Kuang atbồ Bơtàu tơnguh kă bro, Tập đoàn Ồs đèng măt tơngai Bách Khoa pà gi\t, pràn àng tơngai jroh tàm tiah tàm gùl lơgar lơyah rlau pơndrờm mờ tiah ring đah jum; Mơya, priă tă bơcri lơh đèng mat tơngai kung ờ kas rlau sơl mờ tềm pềr rlau pơndrờm mờ gùng che đèng dà lơgar tu\ do.

Tàm do, he pal jat tàm bơta khà priă đèng mờ gam blơi bơh gah lơh ồs đèng dê. Gơ wèt mờ hìu bơnhă ngui đèng uă den gam blơi khà priă đèng jơnhoa, pơgăp 2.800 đong tus 2.900 đong den bơcri priă lơh đèng mat tơngai mìng ai ngui is in den niam rlau, ai dilah tăc đèng mờ dà lơgar in mìng là dùl gah lơm. Ai gơ wèt mờ bơnah ngui đèng lơh sa den bơcri priă gờ` den geh tăc đèng khà priă jơnhoa, den geh wơl cồng nha tài bơh khi gam blơi khà priă lơyah.

Ồs đèng kloh rềp mềl mờ tiah ơm kis

Lơh is, ngui is đèng mờ đèng mat tơngai tềng hơđang rkàng hìu gơ jat bal mờ broă bơ\t bơtàu gam là gùng dà sac rwah tàm uă lơgar tàm dunia. Do là ồs đèng lơh geh wơl, sền gàr tiah ơm kis, ờ gơtìp jơh bè ồs đèng gơ gơs lu\. Mơya, tus tơngai do, khà năc ngui đèng mat tơngai tềng hơđang rkàng hìu tàm tiah tàm gùl lơgar mờ Tây Nguyên đơs bal mờ [òn dờng Đà Nẵng đơs is gam ơm tàm khà dùl êt. Kờp tus tu\ do, tiah tàm gùl lơgar mờ Tây Nguyên geh mờr 400 nă năc crăp lơh đèng mat tơngai tềng hơđang rkàng hìu tàm tơrbo\ bal tàm gùng che đèng Tổng Công ty Ồs đèng tiah tàm gùl lơgar. Mò Nguyễn Thị Thúy Mai, Phó Kuang atbồ Sở Công thương [òn dờng Đà Nẵng pà gi\t: Đèng mat tơngai tềng hơđang rkàng hìu là gùng dà broă lơh lài bơh [òn dờng Đà Nẵng dê tàm tơngai tus:

Đèng mat tơngai tềng hơđang rkàng hìu, do là dùl gùng dà bơtàu tơnguh ồs đèng lơh lài bơh [òn dờng dê tài bơh bă ù bơh [òn dờng dê ờ geh uă. Do là gùng dà bơtàu tơnguh ồs đèng kloh ai [òn dờng in. Mờ tàm tơngai pa do, UBND [òn dờng kung jàu Sở Công thương in đơng lam bơto pơlam bơ\t bơtàu Rơndăp broă lơh bơtàu tơnguh ồs đèng măt tơngai tềng hơđang rkàng hìu, mờ broă do den bol a` gam lam lơh.

Cau mblàng Lơ Mu K’Yến