VOV4.K'ho - Geh bơta sền gròi bơcri priă bơh Đảng mờ Dà lơgar dê, git nđờ rhiang hìu nhă làng bol kòn cau Rơđê tàm xã Ea Bar, kơnhoàl tiah nhàr dà lơgar Buôn Đôn, càr Daklak neh geh bơta àng bơh gùng che đèng dà lơgar dê. Kơnờm geh ồs đèng, rài kis làng bol dê tam gơl mhar ngan, pơ gồp bơnah uă ngan tàm broă lơh tơn jơh jơgloh tơmù r[ah, lơh tam gơl tơl làm jơh muh mat [òn lơgar dê:

Nam 2004, xã Ea Bar, kơnhoàl tiah nhàr dà lơgar Buôn Đôn geh lơh gùng che đèng nàng ngui tàm rài kis mờ broă lơh sa ai làng bol in. Geh ồs đèng, rài kis làng bol dê tam gơl loh làng ngan.

                                                     {òn r[ah tam gơl tài bơh geh ồs đèng

Ồng Y Rốk Niê, ơm tàm [òn K’nia 1, xã Ea Bar chờ hờp yal, geh ồs đèng ờ mìng dong rài kis pah ngai niam rlau, bơh đèng sòl àng tus tivi, tùh mrềt… mờ hìu bơnhă ồng gam blơi mai\ [ồm mờ đèng nàng [ồm dà chi tam in mhar mờ [uơn rlau:

“Lài do, ờ hềt geh ồs đèng, làng bol pal blơi zờu nàng [ồm kơphe mờ mai\ nổ, tus nam 2004, dà lơgar lơh gùng che đèng làng bol in nàng ngui tàm broă lơh sa, làng bol go\ geh ồs đèng là [uơn ngan, mờ gam ờ huan kas priă tai, mìng ndrờm 1/3. Tu\ geh ồs đèng, làng bol blơi tai tivi, phan bơna ngui tàm hìu bơnhă den tàng rài kis niam chài geh bơtàu tơnguh. Geh ồs đèng làng bol kung tă pơ gồp priă nàng blơi [ong đèng sòl àng gùng lòt tàm ală [òn, nàng broă lòt rê gơ in [uơn rlau, ngan là oh kòn lòt bơsram là niam ngan.”

Geh ồs đèng kung dong ai geh bơta [uơn tàm broă lơh sa uă hìu bơnhă in. Ờ mìng bơcri priă nàng bơtàu tơnguh broă lơh sa, ròng phan, uă hìu bơnhă gam tam gơl nàng lơh ală broă lơh bè gò, hàn đèng, pờ hìu mai\ lơh niam wơl ală bơta mai\ mok lơh broă mờ đèng, pờ hìu mai\ lơh gơlik phan bơh suơn sre… Kơnờm bơh hơ\, priă lơh geh bơh làng bol dê ngai sơlơ gơguh uă, khà hìu bơnhă r[ah gơmù mhar. Geh ồs đèng dong sòl àng [òn lơgar, broă lơh sền gàr ngap lơngai ờ do ờ dă kung geh gàr niam. Mò H’Waih Hmok, ơm tàm [òn K’nia 2, xã Ea Bar pà git:

“Lài do den kal ke uă ngan, làng bol lòt bơh hìu do tus hìu ne nàng lòt `ô bau, lap bau pal ngui đèng pil. Bơh nam 2004, geh gùng che ồs đèng lơh tus tàm [òn den làng bol chờ hờp ngan tài lòt rê [uơn rlau tài bơh geh đèng sòl àng. Bơdĩh mờ hơ\, bơta tung kơ`au phan bơna kung gơmù rlau mờ lài do, tài geh đèng sòl àng tàm trồ mang, ai lài do den trồ mang klam jơ ngo, bơta tung kơ`au gơlik geh uă ngan.”

Mò Nguyễn Thị Minh Tâm, Phó Chủ tịch UBND xã Ea Bar, kơnhoàl Buôn Đôn pà git, tu\ do, jơh ală [òn bơh xã dê ndrờm neh geh ồs đèng. Kơnờm geh gùng che ồs đèng niam mờ rài kis làng bol dê geh tơnguh loh làng ngan, jơh ală hìu bơnhă làng bol geh git ală gah yal jơnau tơnggit, broă lơh bơtàu tơnguh lơh sa pa, bơh hơ\, ngui tàm broă lơh sa, bơtàu tơnguh lơh sa hìu bơnhă, bơt bơtàu rài kis niam chài tàm [òn lơgar.

Git bơta kuơ màng bơh ồs đèng dê tus mờ rài kis, broă lơh sa bơh làng bol dê, den tàng tàm ală nam do, bal mờ broă lơh niam wơl jat tơngai pơrgon gùng che ồs đèng dà lơgar bơh gah lơh ồs đèng dê, ală gah, mpồl lơh broă bơh xã Ea Bar dê kung sùm mblàng yal, pơlam làng bol ngui đèng ờ do ờ dă, tềm pềr mờ sền gàr bă tiah rềp gùng che đèng geh niam sùm. Mò Nguyễn Thị Minh Tâm pà git:

“UBND xã sùm pơ gồp bal tàm ală dơ\ pơrjum [òn, mblàng yal tus làng bol, sồr oh kòn he dê ba` tam par klềng, ting lềng phan ròng dờng hơ đơm gùng che đèng, nàng gàr ờ do ờ dă màng kis. Mpồl ơruh pơnu bơh xã dê sùm bơyai lơh pès wàs chi che ru\ rơm tàm ală tiah geh gùng che đèng lòt gan, kờ` sền gàr mờ ngui gùng che đèng gơ in niam.”

Geh gùng che ồs đèng dà lơgar, làng bol ală kòn cau tàm xã Ea Bar, kơnhoàl tiah nhàr dà lơgar Buôn Đôn, càr Daklak gam ngai sơlơ bơt bơtàu rài kis hờm ram, pơ gồp bơnah uă ngan tàm broă lơh jơnau kờ` dà lơgar bè bơt bơtàu [òn lơgar pa.

                                                                        Cau cih mờ yal tơnggit K’Duẩn