VOV4.K’ho- Mang ngai 24/10, dơ̆ jàu khà jờng sră ƀău dà lơgar dơ̆ 15 geh lơh tàm Cung văn hoá lao động hữu nghị Việt Xô, ƀòn dờng Hà Nội. Do là khà jờng pah nam dờng ngan rlau jơh, geh bơngă pin dờn ngan rlau jơh bơh ală cau lơh ƀău tàm lơgar dê. Tus bal geh Chủ tịch lơgar ồng Nguyễn Xuân Phúc bal mờ ală kuang đơng lam bồ Đảng, dà lơgar.

Khà jờng sră ƀău dà lơgar dơ̆ 15 nam 2020 geh khà cau lơh ƀău, jơnau sră ƀău tus bal uă ngan rlau jơh bơh lài tus tŭ do, mờ rlau 1 rbô 800 jơnau sră ƀău tus bơh 63 tàm 63 Mpồl cau lơh ƀău càr, ƀòn dờng. Tàm khà hơ̆, 150 jơnau sră ƀău geh mut tàm dar dut ndơl. Do kung là dơ̆ sơn rờp Mpồl duh broă khà jờng sră ƀău dà lơgar neh rơ wah geh 1 khà kuơmàng, bal mờ hơ̆, mpồl duh broă neh jàu 9 khà A, 25 khà B, 45 khà C mờ 32 khà pơn jờng ai ală bơta sră ƀău in. Anih jơnau đơs Việt Nam pơn iờ să ngan geh dờp 3 khà B, 1 khà C mờ dùl khà pơn jờng.

Cau mblàng K’Duẩn