VOV4.K’ho-Tàm poh lài neh geh lơh broă lơh “Anih kơldìng [òn lơgar dê”, jờng rơ muh mat ală cau ala mat là cau geh bơngă pin dờn pơnrơ tàm tiah nhàr lơgar. Broă lơh do bơh Tạp chí Cộng sản pơgồp bal mờ Ủy ban Kòn cau, Gah đơng lam Mpồl ling sền gàr tiah nhàr lơgar bơh dà lơgar dê bơyai lơh.

Mờ bơta lơh ngan, bơta kờ` gơboh [òn lơgar, ală cau geh bơngă pin dờn pơnrơ neh geh uă broă bơceh lơh pơgồp bơnah sền gàr gùng nhàr lơgar jrong nhàr lơgar, jơh nùs tus bal sền gàr lơngăp lơngai rơndăp tăp sèng, rơcang mờ sơndră ală jơnau ờ niam mpồl bơtiàn, ală cau lơh tìs tàm tiah nhàr lơgar, bơtàu tơnguh lơh sa, sền gàr, prăp gàr, ngui niam bơhiàn niam chài is tiah làng bol kòn cau dê.

163 nă cau geh jờng rơ là cau geh bơngă pin dờn pơnrơ gơ wèt 45 jơi bơtiàn kòn cau tàm 38 càr, [òn dờng nhàr lơgar tàm hơđang ù gờl mờ bồt bơlài dà lềng nam 2018. Do là ală cau geh bơngă pin dờn pơnrơ tàm sền gàr gùng nhàr lơgar jrong nhàr lơgar, tus bal sền gàr bơta lơngăp lơngai rơndăp tăp sèng, rơcang mờ sơndră ală jơnau ờ niam tàm mpồl bơtiàn, ală cau lơh tìs tàm tiah nhàr lơgar, bơtàu tơnguh lơh sa, sền gàr, prăp gàr mờ ngui niam ală bơhiàn niam chài is tiah làng bol kòn cau. Là ală krơh àng lam lài lơh jat geh cồng nha ală gùng dà broă lơh bơh Đảng, kơrnoat boh lam dà lơgar dê…

Ồng Pơ Loong Jím, cau kra [òn kòn cau K’tu là cau kra [òn geh bơngă pin dờn bơh [òn A Rần 1, xã A Xạn, kơnhoàl Tây Giang, càr Quảng Nam dê, geh làng bol sền dờng màng ngan ờ go\ di mìng tài bơh jơh nùs bal mờ làng bol sơrlèt gan jơgloh r[ah, mờ gam geh nùs nhơm niam is ai ù tam phan sa, ù lơh sa nàng lơh gùng lòt tàm [òn, tiah pơrjum bơyai [òn lơgar, pơgồp bơnah ai [òn lơgar lik klàs bơh bơta jơgloh r[ah bơngơl gơ la klam jơngo, bơ\t bơtàu [òn lơgar pa. Ồng Pơ Loong Jím pà gi\t.

Pơrjum mờ mpồl ling sền gàr tiah nhàr lơgar pah nhai dùl dơ\, pal lòt sền jrong nhàr lơgar. Dà lơgar bơto pơlam bè lơi den pal lơh bè hơ\. Kơno jơnau đơs bơh dà lơgar dê den là pal ờ go\ di mus brê, ờ go\ di koh kơl chi, sền gàr tờm pơ mu, sền gàr brê kròng, brê bồ tô dà ba` mus brê ai ù lơh sre.

Ồng Cao Văn Đen, Bí thư Chi bộ thôn Cầu Gãy, xã Vĩnh Hải, kơnhoàl Ninh Hải, càr Ninh Thuận gơlơh wơl là dùl krơh àng bè bơtàu tơnguh lơh sa ai làng bol in đòm jat. Ồng là cau khin cha lơh broă lơh ròng uă sur kòn cau. Do là phan ròng ờs mờng bơh yau bơh làng bol kòn cau kis tàm tiah kơh bơnơm dê, ngui jơh geh ală phan jơngkah bơh lơh broă sa sươn sre, mhar ai priă jền rlau pơndrờm mờ ròng siam ală phan ròng ndai.

Bí thư Chi bộ Cao Văn Đen ơm kis rềp mềl mờ làng bol tàm [òn lơgar bơh jo\ là ù tiah 100% cau kòn cau, ồng bơto yal làng bol in mờng chài ròng phan, dong kờl sơntìl, priă jền dong làng bol kal ke bơtàu tơnguh lơh sa.

Nàng hòi jà làng bol tàm thôn lơh jat gùng dà broă lơh bơh Đảng dê bè là bơtàu tơnguh rài kis lơh sa, sền gàr bè bơta lơngăp lơngai rơndăp tăp sèng. Bơh hơ\ nàng sền gàr brê dà lơgar Bơnơm Yàng bơh kơnhoàl Ninh Hải dê. {òn lơgar bol a` geh gùng dà broă lơh bơh Dà lơgar dê tàm hơ\ geh mpồl ling sền gàr tiah nhàr lơgar thôn Vĩnh Hy rềp mềl mờ làng bol thôn Cầu Gãy, xã Vĩnh Hải, bơh hơ\ gàr geh bơta lơngăp lơngai rơndăp tăp sèng ờdo ờdă, bơ\t bơtàu geh [òn lơgar niam.

Ồng A Blong, cau kra [òn ơm tàm [òn Le, xã Mang Mrai, kơnhoàl Sa Thầy, càr Kon Tum sùm lam bồ tàm broă lơh sa, bơtàu tơnguh lơh sa, tơn jơh jơgloh tơrmù r[ah, hòi jà làng bol kòn cau Sơdàng, Bahnar, Jeh Triêng, Jrai, Brâu mờ Rơ Mâm tàm tiah do đòm jat ngui bơta jak chài măy mok, tam gơl rơndăp tăp sèng chi tam, phan ròng mờ gùng dà lơh sa tam phan geh cồng nha.

Ngai pah ngai, ồng lòt tus tơl hìu, hòi jà làng bol lơh tam gơl pa wơl sươn rhàng, ù lời gời dòr bơnơm klàr ờ geh chi che nàng rề ơnàng bă ù tam phan, ờ go\ di mus brê ai ù lơh mìr, ba` ntrờ` ơm kis halà dô gan nhàr lơgar tìs mờ kơrnoat boh lam…Ồng A Blong pà gi\t.

Kơ wa mblàng yal làng bol in sồr lơh jat gùng dà broă lơh bơh Đảng dê, kơrnoat boh lam dà lơgar dê, atbồ sền gàr gùng nhàr lơgar, jrong nhàr lơgar lơh bè lơi nàng đah Việt Nam mờ Campuchia ba` sơgràm bal mờ gơ\p, pal tam klac bal đah 2 lơgar. Kơnhoàl tam klac bal mờ kơnhoàl, xã tam klac bal mờ xã, [òn tam klac bal mờ [òn bơh 2 lơgar hơ\ dê. Lơh jat den a` lơh krơh lam lài lòt lài làng bol in tàm bơ\t bơtàu lơh sa, lòt sền jrong nhàr lơgar…

Tơl nă cau kra [òn, cau atbồ [òn, bí thư chi bộ geh bơngă pin dờn là dùl anih kơldìng ai làng bol [òn lơgar ală tiah nhàr lơgar bồt bơlào dà lềng in. Do kung ngan là ală cau tờm dong lơh pràn bơtàu tơnguh lơh sa, sền gàr mpồl tam klac dờng gùt jơi bơtiàn, sền gàr lơngăp lơngai, rơndăp tăp sèng tàm [òn lơgar, sền gàr gùng nhàr lơgar tiah nhàr lơgar dờng màng bơh Dà lơgar dê.

Cau mblàng Lơ Mu K’Yến