VOV4.K’ho- Tàm tiah tờm Pơrjum Dà lơgar Mỹ Đình, Hà Nội geh lơh Dơ\ tơngkah 60 nam ngai bơhiàn gah Bơ\t bơtàu Việt Nam.

Tàm dơ\ bơyai lơh tơngkah, ồng Nguyễn Phú Trọng, Tổng Bí thư Đảng dà lơgar jờng rơ ală cồng nha neh lơh geh mờ bơta lơh ngan pơđơl pràn bơh jơh gùt gah Bơ\t bơtàu dê tàm 60 nam do, neh sơrlèt gan uă kal ke, bơta lòng, lơh gơs jak ngan ală kơnòl broă geh jàu, sùm gàr kơ\ mờ đơs ngan geh bơngă, gơnoar broă là dùl tàm ală gah lơh sa- măy mok kuơmàng tờm, geh tă pơgồp kuơmàng tàm cồng nha bơtàu tơnguh lơh sa- mpồl bơtiàn bơh dà lơgar dê.

Tổng Bí thư đơs uă, tềng đap ală jơnau sồr pa mờ bơta lòng tàm tu\ tơngai pa, gah Bơ\t bơtàu kờ` pal tam gơl pa bồ tơngoh tàm broă lơh dong broă lơh gơs ală kơrnoat boh lam bè bơ\t bơtàu, pal lơh geh bơta kơ\ kơl jăp, ring bal, tơl pràn lơh tam gơl geh ală broă lơh bơ\t bơtàu tàm rài kis ngan ngồn, dipal mờ tơl tu\ tơngai bơtàu tơnguh lơh sa- mpồl bơtiàn mờ gơrờm bal mờ dunia.

Cau mblàng mờ yal tơngi\t- Lơ Mu K’Yến