VOV4.K’ho- Drim òr 3/6, tàm càr lơgar Hà Nội geh lơh yu\ rơyùm Dơ\ tơngkah 70 nam Ngai Chủ tịch Hồ Chí Minh geh Jơnau đơs hòi jà tàm pơrlòng kờ` gơboh dà lơgar (11/6/1948 – 11/6/2018) mờ jờng rơ Cau khin cha jak chài Mpồl ling klàng phàu crong, Cau khin cha jak chài Lơh broă, cau pơnrơ gơguh jak bơh ală rài.

Đơs tàm dơ\ bơyai lơh, ồng Nguyễn Phú Trọng, Tổng Bí thư Đảng Dà lơgar jơh nùs chờ gờm, chờ hờp bal, sền dờng màng mờ jờng rơ ală cau khin cha jak chài, cau jak tàm pơrlòng, ală cau pơnrơ gơguh jak tàm gùt lơgar.

Ồng Nguyễn Phú Trọng, đơs loh, 70 nam do, jơnau hòi jà tàm pơrlòng kờ` gơboh dà lơgar bơh Chủ tịch Hồ Chí Minh dê neh geh bơta pràn gơhòi gơ jà, pơn jờng mờ hòi tơrgùm jơh gùt Đảng, gùt làng bol mờ gùt ling klàng he lơh jat bơhiàn kờ` gơboh dà lơgar, nùs nhơm tam klac bal, bồ tơngoh pơđơl pràn is, lơh ngan is, sơrlèt gan jơh ală bơta phi să bòl glar kal ke, lơh geh ală cồng nha pơnrơ ngan tàm rài tam lơh mờ cồng nha dờng ngan tàm broă lơh kăc mạng dà lơgar he dê.

Tàm pơrlòng neh gơ gơs là dùl bơta lơh gơkờ` ai jơh gùt Đảng, gùt làng bol, gùt ling klàng in ai kăc mạng Việt Nam lòt bơh bơta pha lin do tus bơta pha lin ndai. Bơh tàm srơh tàm pơrlòng neh geh uă cau pơnrơ jak, pơnrơ tàm ală gah broă bơh rài kis mpồl bơtiàn dê, mờ uă jơnau kơlôi sơnơng, jơnau bơceh lơh, gùng dà broă lơh geh kuơ, lơh kuơ ai Dà lơgar mờ mpồl bơtiàn in gi\t nđờ rbô tơmàn priă; uă broă lơh, gùng dà broă lơh geh rề ơnàng lơh uă, gơdờp lơh gơ rề uă tàm jơh gùt lơgar, tus mờ jơh ală rơnàng làng bol.

Cau mblàng Lơ Mu K’Yến