VOV4.K’ho- Mho ngai 08/8, tàm Hà Nội, ồng Phạm Minh Chính- Thủ tướng Chính phủ tus bal Dơ̆ bơyai lơh yal tàm tơrbŏ bal Bơnàng jă dong kờl bơto pơlam kham, sơm kòp bơh ngài (Teleheath) tus 100% hìu sơnơm kơnhoàl mờ tơlik măt Anih tờm Măy mok rơcăng sơndră kòp Covid-19 Dà lơgar.

Đơs tàm dơ̆ bơyai lơh, ồng Phạm Minh Chính sồr Bộ Y tế geh bơta bơto pơlam ring bal, tam pà tăp, pe cờñ pram tăp. Dilah sơm kòp tàm hìu tai là geh tai cờñ tàm ù. Kòp Covid-19 do gơbàn mhar, ală tŭ lơh ờ hềt geh bơh lài, den tàng lơh ndang ai jơnau bơsram mờng chài ndang. Ală Bộ: Khoa học mờ Công nghệ; Thông tin mờ Truyền thông lơh sir măy mok. Ngan là kờñ pal gŏ bơta ờ hềt gơtùi tŭ ngui công nghệ do. Thủ tướng jờng rơ ngan bơta kuơ bơh broă lơh do dê, pơgồp bơnah tàm broă tam gơl sồ. Di tŭ dong kờl sơm kòp ai cau kòp in, dong hìu sơnơm dềt tàm kơnă hơđơm geh tai bơta gĭt wă, pin dờn, tơrmù ƀà bơta hăt hal ir cau kòp tàm hìu sơnơm dờng in.

Cau mblàng Lơ Mu K’Yến