VOV4.K’ho- Tơngkah 73 nam Kac màng Nhai 8 mờ Sơn tờm dà lơgar 2/9, Mpồl kuang bàng Ban Chấp hành Đảng dà lơgar, Chủ tịch lơgar, Quốc hội, Chính phủ, Ủy ban Mặt trận dà lơgar Việt Nam neh ơn goàng bơkào, mut còp gơlang bồc iês bồc Chủ tịch Hồ Chí Minh mờ ơn goàng bơkào, chu `àng kah kơlôi Cau ling chơ\t màng khin cha jak chài tàm Tơr`ang Kah kơlôi ală cau ling chơt màng khin cha jak chài tàm gùng Bắc Sơn.

Goàng bơkào bơh Mpồl dê cèng geh cih “ Sùm sùm kah ưn ngài Chủ tịch Hồ Chí Ming dờng màng”. Tàm nùs nhơm sền dờng màng ki ngàm, ală kuang đơng lam Đảng, Dà lơgar neh jơh nùs kun bồ ki ngàm, kah kơlôi Chủ tịch Hồ Chí Minh, tơngo\ nùs nhơm ưn ngài uă ngan gơ wèt mờ kuang đơng lam bồ kờ` gơboh, Cau ling khin cha jak chài dong klàs jơi bơtìan dê, cau pơgru dờng màng bơh kac màng Việt Nam dê.

Pơgap mờ do 73 nam, ngai 2/9/1945, tàm blàng dờng Ba Đình kah yau, tềng đap g^t nđờ rơbô nă làng bol, ala mat Chính phủ lâm thời, Chủ tịch Hồ Chí Minh neh yu\ rơyùm sền sră “ Yal bơr lơngap lơngai is” crơng gơs dà lơgar Việt Nam Dân chủ Cộng hoà- tu\ do là lơgar Cộng hoà xã hội chủ nghĩa Việt Nam. Bơh do, jơi bơtìan Việt Nam mut tàm rài pa- rài lơngap lơngai is, khat gơboh is mờ lòt guh chủ nghĩa xã hội.

Cau mblàng K’ Hạnh