VOV4.K’ho- Bộ trưởng Y tế ồng Nguyễn Thanh Long pa yal bè 2, 3 tơngume gơ rềng tus broă lơh rơcang sơndră kòp Covid-`19, ngan là tàm 2 càr Bắc Giang mờ Bắc Ninh; mờ kung sồr ală kấp, ală gah broă lơh, kuơmàng là ală tiah pal pơn jat tai tơnguh jơnau đơs lài, bañ sền ờ sơp, pơn jat tai hòi jà jơh mpồl lơh broă chính trị mờ làng bol tus bal tàm broă lơh rơcang sơndră kòp.

Bộ trưởng Y tế ồng Nguyễn Thanh Long

Jat Bộ trưởng Nguyễn Thanh Long đơs, dơ̆ gơbàn kòp Covid-19 dơ̆ 4 digơlan gơlik geh kal ke rlau, digơlan jŏ jòng rlau mờ ală dơ̆ gơbàn kòp lài, gơlik geh tàm uă tiah bal mờ uă bơta bơtờp, uă tiah geh kòp tàm bal dùl tŭ tơngai, geh bal bơta bơtờp bơh uă jơi tam gơl să pa bơh virus dê bal mờ bơta pràn bơtờp mhar rlau, uă rlau, pràn rlau.

Bộ trưởng Nguyễn Thanh Long sồr tàm tơngai tus, ală kấp, ală gah broă lơh, kuơmàng là ală tiah pal pơn jat tai tơnguh jơnau đơs lài, bañ sền ờ sơp, pơn jat tai hòi jà jơh mpồl lơh broă chính trị mờ làng bol tus bal tàm broă lơh rơcang sơndră kòp.

Cau mblàng K’Duẩn