VOV4.K’ho- Drim ngai 28/9, neh bơyai lơh dar lồi dŭt mờ jàu khà jờng dơ̆ pơrlòng Ơruh pơnu bơceh pa tài trồ tiah nam 2021 jat broă lơh pờ tơlik tơn tàm internet. Dơ̆ pơrlòng “Ơruh pơnu bơceh pa tài trồ tiah” geh lam lơh bơh ngai 28/5/2021 ai làng bol Việt Nam in gam ơm kis mờ lơh broă tàm lơgar, tàm sơnam bơh 16 tus 25 sơnam, bơh Đoàn Ơruh pơnu Cộng sản Hồ Chí Minh dà lơgar pơgồp bal mờ Broă lơh Bơtàu tơnguh bơh Liên hợp quốc dê tàm Việt Nam bơyai lơh.

Mpồl bơyai lơh jàu khà jờng ai ală cau bơceh pa in

Tơngume pơrlòng gùt dar ală tơngume Ơruh pơnu mờ ală  gùng dà broă lơh ờs mờng bơceh pa nàng tơnguh uă bơta gĭt wă bè tam gơl trồ tiah; ală broă lơh tơrmù ƀà tam gơl trồ tiah halà tơrmù ƀà nhơm ƀơ̆ tuh tơlik bơdìh. Tơnơ̆ dùl tơngai sền sơwì mờ sac rơwah, mpồl sền sơwì neh sac rơwah 10 mpồl pơrlòng mờ 10 jơnau kơlôi sơnơng jak chài ngan rlau jơh tàm pơrlòng tàm dar lồi dŭt. Bi Nguyễn Văn Hiển, lơh broă tàm Pôs đồng ling sền gàr tiah nhàr lơgar Si Pa Phìn, Gah đơng lam Mpồl ling sền gàr tiah nhàr lơgar càr Điện Biên dê jak ngan lơh geh khà dùl dơ̆ pơrlòng, geh dờp bằng khen bơh Đoàn Ơruh pơnu Cộng sản Hồ Chí Minh dà lơgar dê mờ priă dong kờl bơtàu tơnguh jơnau kơlôi sơnơng kờp priă là 50 tơlak đong.

Cau mblàng K’Hạnh