VOV4.K’ho – Mho mang òr (24/3), tàm Anih kah kơlôi cau ling chơt màng Hà Nội tàm thôn 3, xã Ia Xiêr, kơnhoàl Sa Thầy, càr Kon Tum, gơnoar atbồ, làng bol tàm [òn lơgar mờ Mpồl dong gàr gah jat yàng Phờk Việt Nam càr Kon Tum yu\ rơyùm bơya lơh Tơngkah 51 nam ngai chơt phi să bơh rlau 200 nă ling tơngklàs Việt Nam.

Tàm anih jơnhua 995 – Chư Tan Kra, tu\ do gơ wèt thôn 3, xã Ia Xiêr, kơnhoàl Sa Thầy, càr Kon Tum, bơh ngai 19 tus ngai 26/3/1968, gơlik geh tam lơh cui rơcah đah Trung đoàn 209 mờ Sư đoàn 4 mờ Lữ đoàn 173 Mỹ.

Tàm dơ\ tam lơh do, đah he gơ sơt 2 đại đội mờ dùl anih tam lơh mờ phàu crong bol sò tơm dê, mơya neh geh rlau 200 nă kuang bàng, cau ling chơt phi să, uă ngan là ală klau pơnu bơh càr lơgar Hà Nôị dê. Tus tu\ do, ală anih lơh broă geh gơnoar neh tờ geh 190 bồc ntìng cau ling chơt màng. Nam 2013, UBND càr Kon Tum geh kơrnuat, anih jơnhua 995 – Chư Tan Kra là tiah tềl kah yau kấp càr.

                                                       Cau mblàng K’Duẩn