VOV4.K’ho- Drim ngai 28/5, tàm Hà Nội, Đoàn Ơruh pơnu Cộng sản Hồ Chí Minh dà lơgar pơgồp bal mờ broă lơh bơtàu tơnguh Liên hợp quốc tàm Việt Nam (UNDP) bơyai lơh dơ̆ pơrlòng “Ơruh pơnu bơceh pa tài trồ tiah” bơh tŭ do tus jơh nhai 8. Cau tus bal dơ̆ pơrlòng là ơruh pơnu geh sơnam bơh 16 tus 35 sơnam, là làng bol Việt Nam tŭ do gam ơm kis mờ lơh broă tàm Việt Nam.

Jơnau pơrlòng pơyoa tus dơ̆ pơrlòng gùt dar tơngume: ơruh pơnu mờ ală gùng dà mblàng yal bơceh pa nàng tơnguh uă bơta gĭt wă bè tam gơl trồ tiah; ală broă lơh tơrmù ƀà tam gơl trồ tiah halà tơrmù ƀà nhơm ƀơ̆ tuh tơlik bơdìh; ơruh pơnu sơnđờm mut lơh broă mờ ală broă lơh kă bro geh kơnòl mờ tam gơl trồ tiah mờ ơruh pơnu tă pơgồp bal ală gùng dà broă lơh gơ dờp bal mờ tam gơl trồ tiah.

Cau mblàng K’Hạnh