VOV4.K’ho- Mho ngai 31/3, tàm hìu lơh broă Quốc hội, Bộ Tư pháp pơgồp bal mờ Văn phòng Quốc hội bơyai lơh dơ̆ lam lơh dơ̆  pơrlòng pờ tơlik tơn tàm internet “Jòi gĭt adat boh lam bè tĕ khà Kuang bàng Quốc hội mờ Kuang bàng Hội đồng Nhân dân”. Jơh tơl nă làng bol Việt Nam tàm lơgar mờ lơgar ndai gơtùi tus bal dan cih mat tus bal pơrlòng tàm Mpồng yal tơngĭt jơnau điện tử Quốc hội; Mpồng yal tơngĭt jơnau điện tử Bộ Tư pháp; Pang yal tơngĭt jơnau điện tử bơh Mpồl duh broă tĕ khà dà lơgar, Pang yal tơngĭt jơnau điện tử yal tơngĭt, bơto bơtê adat boh lam; Pang yal tơngĭt jơnau điện tử Anih sơnñio rùp Quốc hội Việt Nam; Băo điện tử Kuang bàng làng bol mờ Băo Adat boh lam Việt Nam điện tử.

Tơngume pơrlòng là ală jơnau lùp bè jơnau cih bơh Adat Tĕ khà Kuang bàng Quốc hội mờ Kuang bàng Hội đồng Nhân dân nam 2015; bàr pe jơnau cih bơh Sơnoa boh lam, Adat bơyai lơh Quốc hội, Adat bơyai lơh gơnoar atbồ ală tiah bè tĕ khà Kuang bàng Quốc hội mờ Kuang bàng Hội đồng Nhân dân. Dơ̆ pơrlòng geh bơyai lơh tàm 30 ngai (bơh 0h00 mang ngai 01/4/2021 tus 12 jiơ mang ngai  30/4/2021) mờ khà dùl là 20 tơlak đong mờ uă ngan khà jờng ndai.  

Cau mblàng K’ Hạnh