VOV4.K’ho- Dơ̆ lùp mờ hơ jơnau lùp tàm pơrjum dơ̆ 2, Quốc hội khoă XV geh lơh tàm 2 ngai mờ nggùl, sơnđờm bơh tàm drim do 10/11. Ală Bộ trưởng, tàm hơ̆ geh: Bộ trưởng Bộ Y tế ồng Nguyễn Thanh Long, Bộ trưởng Bộ Lao động Thương binh mờ Xã hội ồng Đào Ngọc Dung, Bộ trưởng Bộ Giáo dục mờ Đào tạo ồng Nguyễn Kim Sơn, Bộ trưởng Bộ Kế hoạch mờ Đầu tư ồng Nguyễn Chí Dũng geh dơ̆ dùl dơ̆ hơ jơnau lùp.

Kờp dŭ, drim ngai dơ̆ 6 hơ̆ là ngai 12/11 do, Thủ tướng Chính phủ ồng Phạm Minh Chính lơh loh ală broă geh gơrềng mờ hơ jơnau lùp bơh kuang bàng Quốc hội dê. Lài mờ dơ̆ bơyai lơh lùp, uă kuang bàng Quốc hội mờ cau tĕ khà gơn kơnờm, ală dơ̆ lùp dơ̆ do geh lơh duh hồl, ai tơlik uă broă lơh nàng kờñ gơdờp ờdo ờdă, ngac ngar mờ kòp Covid-19; bơtàu tơnguh wơl, bơtàu tơnguh lơh sa- mpồl bơtiàn. Mpồl broă broă lơh rơcăng sơndră kòp Covid-19 tàm tơngai do mờ broă lơh jŏ jòng rơcăng sơndră kòp, broă lơh jŏ jòng vaccine tàm tơngai tus geh ală kuang bàng sền gròi ngan.

Cau mblàng Lơ Mu K’Yến