VOV4.K’ho- Ngai do (04/01), tàm Hìu Quôk hội dê, dơ̆ sơnrờp Quôk hội bơyai lơh dơ̆ pơrjum ờ bè ờs, sền swì, lơh nền 04 tơngume kwơmàng, jal mhar ai bơtàu tơnguh wơl mờ bơtàu tơnguh lơh sa- mpồl bơtiàn in. Do là dơ̆ pơrjum ờ hềt geh bơh lài, tơngŏ nùs nhơm tam gơl pa lơh broă lòt bal mờ Cíñ phủ bơh Quôk hội khoă XV dê. Quôk hội geh sền swì mờ lơh nền 04 tơngume jal mhar, tàm hơ̆, pal sền ngăc là Rơndăp cih Kơrnoăt bè broă lơh nam priă jền, priă jền dong kờl lam lơh Broă lơh bơtàu tơnguh wơl mờ bơtàu tơnguh lơh sa- mpồl bơtiàn.

Kơrnoăt do geh bơta kwơ dờng màng ngan mờ jal mhar ngan, lơh geh jơnau kờñ ngan ngồn. Cau tĕ khà mờ làng bol gam kơ̆p gơn ngan tàm ală broă lơh nam priă jền, priă jền geh Quôk hội lơh nền tàm dơ̆ pơrjum ờ bè ờs geh gơ gơs là ală broă lơh geh rơndap lơh mờ lơh jăt mhar, di tŭ, geh tơngai ai lam lơh mờ tŭ tơngai di pal nàng bơtàu tơnguh wơl mờ gơhòi gơ jà rài lơh sa, mơkung sền gàr ală pơnring dờng bơh rài lơh sa dê, lơh geh jơnau kờñ tềng đăp ăt mờ jŏ jòng gơ jăt bal mờ Broă rơndăp lơh rơndăp tăp sèng wơl rài lơh sa tơngai bơh nam 2021- 2025.

Cau mblàng Lơ Mu K’Yến