VOV4.K’ho- Drim òr 20/9, tàm hìu duh broă Chính phủ dê, ồng Nguyễn Xuân Phúc, Thủ tướng Chính phủ, Chủ tịch Ủy ban Dà lơgar bè Chính phủ điện tử đơng lam pơrjum dơ\ dùl Ủy ban Dà lơgar bè Chính phủ điện tử.

Đơs tàm dơ\ pơrjum, Thủ tướng đơs loh, broă bơtàu tơnguh Chính phủ điện tử tàm Việt Nam neh geh pơlam gùng bơh jo\ mờ broă ngui công nghệ thông tin neh geh lơh tàm uă kấp, gah sơnah lơh broă, dong làng bol neh quèng mờ tiah ơm kis điện tử, tiah ơm kis tàm internet.

Mơya tàm bơta geh ngan, săp sèng Chính phủ điện tử bơh Việt Nam dê kung gam ơm khà lơyah tàm dunia mờ ASEAN. Bơta hơ\ pà go\, pal lơh pràn mờ jơh nùs rlau tai tàm bơ\t bơtàu Chính phủ điện tử. Tàm dơ\ pơrjum dơ\ sơnrờp do, Thủ tướng sồr ală kuang bàng Ủy ban yal ală bơta kal ke kòl yan pal tơrgùm tă bơsong tàm broă bơ\t bơtàu Chính phủ điện tử.

Cau mblàng Lơ Mu K’Yến