VOV4.K’ho - Khà kơphe  tơlik tac mờ lơgar cau Việt Nam dê ơm dơ\ 2 dunia. Mơya, ua\ ngan kơphe geh tac tàm bơta rơp lơh bal hia\, geh lơh ua\ den tàng bơta kuơ  gơ cèng ờ hềt jơnhua. Tàm dơ\ lơh chờ kơphe Buôn Ma Thuột dơ\ 7 nam 2019 mờr tus,  bơdĩh mờ yal tơnggit mat ka\ bro kơphe Buôn Ma Thuột, mut lơh hòi jà bơcri, yal tơnggit nhơl chờ, Mpồl bơyai lơh chờ kơphe Buôn Ma Thuột neh lam lơh dơ\ pơrlòng ‘’Kơphe la phan đặc sản Việt Nam 2019’’, nàng geh yal tơnggit phan kơphe đặc sản bơh hơ\ tơngguh bơta kuơ pria\ geh bơh kơphe Việt Nam. Ồng Trịnh Đức Minh, Chủ tịch Hiệp hội kơphe Buôn Ma Thuột,  càr Dak Lak geh jơnau yal loh rlau tai bè dơ\ pơrlòng do.

-Ơ ồng Trịnh Đức Minh, dơ\ pơrlòng ‘’Kơphe la phan đặc sản Việt Nam 2019’’ geh pơrya bơta kuơ lơi?

Ồng Trịnh Đức Minh: Dơ\ pơrlòng khà niam ‘’Kơphe la phan đặc sản Việt Nam 2019’’ geh lơh tàm dơ\ lơh chờ kơphe Buôn Ma Thuột la broa\ lơh dơ\ sơnrờp geh bơyai lơh tàm Việt Nam. Lài jơh  la nàng git go\ mờ jờng ala\ cau tam kơphe, ala\ mpồl tam kơphe la phan đặc sản geh khà niam. Dơ\ 2 la nàng tam tơrbo\ ka\ bro tơn bơh cau tam mờ ala\ cau  kờ` geh blơi  kơphe la phan đặc sản, ala\ cau coh  ma\y kơphe bòk kờ` blơi kơphe  la phan đặc sản. Dơ\ 3 la lơh geh bơta pràn ai cau lơh sa  tam geh kơphe niam. Dơ\ 4 la lơh geh dùl drà ka\ bro, dùl đah broa\ lơh bơh  tam gơs tus ngui kơphe bơkah niam krơi is ờ mìng tàm lơgar mờ geh tac hờ lơgar cau.

-Ơ ồng, mùl màl tu\ do gơtùi go\ la geh tam koh gơl lời drà ka\ bro kơphe la phan đặc sản  den wềt ngan, bè hơ\, mbơh tài  geh rwah kơphe phan đặc sản nàng  bơyai lơh dơ\ pơrlòng do, ơ ồng?

Ồng Trịnh Đức Minh: Gah kơphe bol he dê neh bơtàu tơngguh ua\ nam ngan gơ bloh mờ bol he neh ngui ua\ gah drà ka\ bro krơi is bloh.  Bơh kơphe ka\ bro bè ờs tus kơphe kơljap tus mờ kơphe geh yal pơlam ù tiah lơh den gơtùi đơs mờ ala\ bơta drà ka\ bro neh gơmut tàm bơta niam, kan ngan jòi geh ala\ bơta kuơ gơguh tai. Gam dùl  gah mờ bol he ờ hềt ngui mơya gơ  la dùl broa\ lơh pa bơh dunia dê bulah khà bơnah rhiang ka\ bro gơ dê lơyah mìng 2-3% lơm, mơya gơ ai bơta kuơ gơuh jơnhua ngan. Tus tu\ do tàm Việt Nam bol he, tàm lơgar neh gơ gơs drà ka\ bro kơphe la phan đặc sản. Bè broa\ tam kơphe den neh geh ờ ua\ trang trại, mpồl neh mut  tam kơphe đặc sản. Bè cau lơh broa\ mờ phan bơna den bol he neh bơto bơtê geh ala\ cau liap lòng geh dunia dờp. Hơ\ la ala\ bơta  geh lơh tơl tus tu\ do bol geh geh mut ngui drà ka\ bro kơphe  la phan đặc sản.

-Gơtùi đơs la,  bol he  kơp kờ` bơh dơ\ pơrlòng do geh pờ geh  drà ka\ bro ai kơphe la phan đặc sản bơtàu  tơngguh  tàm tơnơ\ do, mơya kung pal lơh geh  bơta ờ suk tus tu\ lơi hơ\, tiah lơi hơ\ kung go\ kơphe  la phan đặc sản. Bè hơ\,  kơphe ka\ bro bè ờs  geh mbè lơi, ơ ồng ?

Ồng Trịnh Đức Minh: Bol he ờ go\ bic lơ ha\ tàm dùl bơta phan bơna lơi jơh, bơh jo\ do bol he  ngui gah kơphe ka\ bro bè ờs, ngui kơphe kơljap, tu\ do la kơphe  la phan đặc sản la  ala\ gah mờ bol he geh ngui tai bal gơ dê. Jòi gùng nàng tơngguh bơta kuơ kơphe Việt Nam. Kuơ màng la kơnờm mờ lơh kơphe đặc sản mờ pơnrơ bơh kơphe he dê geh dunia git tai ua\ rlau. Cau geh git la kơphe Việt Nam geh kơphe bơkah bơnga, kơphe la phan đặc sản, ờ di la Việt Nam mìng tam kơphe ka\ bro bè ờs mờ khà pria\ ờ kas.

-Dơ\ pơrlòng do geh pơrgon geh bơta lơi ai  broa\ bơtàu tơngguh bơh kơphe Dak Lak đơs is mờ gùt lơgar đơs bal mbè lơi, ơ ồng?

Ồng Trịnh Đức Minh:  Ala\ cau tam kơphe Việt Nam den nhap nhar ngan, cau dê kung git bơta kờ` bơh drà ka\ bro.  Bulah khi gam sa\ tờm is jòi is gùng nàng lơh kơphe la phan đặc sản, jòi is drà ka\ bro mờ tus tu\ do mpồl do den neh gal den tàng a` pin la bơta bơtàu tơngguh bơh kơphe đặc sản Việt Nam dê slơ ngai slơ dờng pràn mờ lơh geh đah ka\ bro pa dong gah kơphe bol he dê slơ ngai slơ li la rlau.

-Ơi, dan ưn ngài ồng ua\ ngan!

Cau mblàng K’ Brọp