VOV4.K’ho- Ban Thường vụ Tỉnh ủy Dak Lak neh pơrjum mờ ring bal lơh glài bal mờ broă lơh glài đơs lah gơ wèt tus mờ ồng Nguyễn Thành Dũng - Bí thư Huyện uỷ Krông Pach mờ ồng Y Suôn Byă - Chủ tịch UBND kơnhoàl Krông Pach. Do ngan là jơnau gơlời wơl bơh broă rwah jơngkah rlau 500 nă cau pơgru bơh 3 tơngai lơh kơnòl broă Chủ tịch bal ală broă lơh tìs ndai bơh kơnhoàl Krông Pach dê.

Ban thường vụ tỉnh ủy Dak Lak pơndu\t, ồng Nguyễn Thành Dũng neh geh ală broă lơh tìs: ờ geh bơta đơng lam lời UBND kơnhoàl ờ go\ lơh jat rơndăp kuang bàng atbồ hìu bơsram dà lơgar crơng gơs tơngai lơh broă bơh nam 2010 - 2015, pồ kuang bàng atbồ hìu bơsram (năm 2015) tu\ ờ geh rơndăp kuang bàng mờ pồ jơngkah 27 nă phó hiệu trưởng. Bơdìh hơ\ tai, atbồ mờ ngui biên chế cau pơgru, cau lơh broă hìu bơsram tìs mờ jơnau ai, jo\ jòng uă nam sùm mơya jo\ sền go\ mờ bơsong.

Bơdìh hơ\ tai, ồng Nguyễn Thành Dũng gam geh ală broă lơh tìs ndai tàm broă cih yal jơtài mờ kơnòl gơrềng tus ală broă lơh tìs bơh ồng Nguyễn Sỹ Kỷ, lài do là Phó ban Nội chính, Chủ tịch UBND kơnhoàl Krông Pach, tơngai lơh broă bơh nam 2011-2016 ( neh gơtìp lơh glài bơto tơngkah tàm broă rwah jơngkah rlau 400 nă cau pơgru).

Gơ wèt mờ ồng Y Suôn Byă neh geh ală quyết định tàm broă ai gùng dà mờ ki\ rwah 197 nă cau (tàm hơ\ ki\ pa 176 nă, ki\ wơl 21 nă) cau pơgru, cau lơh broă hìu bơsram bulah lài hơ\ neh geh mpồl lùp sền càr dê neh sồr UBND kơnhoàl Krông Pach pal bơsong broă rwah jơngkah bơh tơngai chủ tịch kơnhoàl lài hơ\ dê.

Ồng Y Suôn Byă kung gơtìp lơh tìs tàm broă sền swì kuang bàng gơ wèt gơnoar ờ lơh jat di bơta pal jat, broă rơndăp lơh mờ ờ geh cơng tàng dipal, lơh tìs tàm kơrnoat lơh broă bơh UBND kơnhoàl Krông Pach dê.

Bơdìh hơ\ tai, Bí thư mờ Chủ tịch UBND kơnhoàl Krông Pach lơyaì mờ ờ go\ jơh nùs tàm broă pồ tơl gơnoar broă Trưởng phòng Giáo dục mờ Đào tạo kơnhoàl; ai gùng dà sồr lòt lơh broă mờ pồ Trưởng phòng Kòn cau mờ ală phó trưởng phòng Giáo dục mờ Đào tào kơnhoàl tu\ ờ hềt pơn jat tai lơh loh kơnòl bơh ală cau dùl nă să is do dê tàm broă ki\ rwah jơngkah cau pơgru, cau lơh broă hìu bơsram.

Ồng Phan Xuân Lĩnh, Chủ nhiệm Ủy ban Sền swì Tỉnh ủy Dak Lak pà gi\t, bơh ală broă lơh tìs bơh ồng Nguyễn Thành Dũng - Bí thư mờ ồng Y Suôn Byă, Chủ tịch UBND kơnhoàl Krông Pach dê, Ban thường vụ tỉnh ủy Dak Lak neh ring bal broă lơh glài đơs lah gơ wèt tus mờ 2 nă kuang bàng do.

“Bơta lơh glài do pơndrờm mờ kơrnoat sồ 263 sền swì lơh glài mpồl cau mờ 102 sền swì lơh glài cau geh đảng den gơlơh nggờc rlau. Jơnau bơh broă nggờc rlau là tài bơh sền swì kơlôi nền uă bơta jat tàm jơnau dipal, jơnau ờ dipal jơnau kah yau dơ\ broă neh gơlik bơh jo\ bơh uă tơngai lơh broă, bơh uă kuang bàng lam bồ, tơnơ\ do ală kuang bàng do tus lơh broă tơnơ\ neh sền go\ geh bơta tìs rơcang lài neh mờ gam bơsong ală jơnau gơlời wơl”.

Bè hơ\, broă Ban thường vụ tỉnh ủy Dak Lak neh mhar lòt sền, lơh loh kơnòl bơh tơl nă cau dê tàm jơnau gơlời wơl bơh rlau 500 nă cau pơgru là broă kuơmàng kờ` pal bơsong mhar. Đơs lah là bơta lơh glài gơ wèt mờ Bí thư mờ Chủ tịch UBND kơnhoàl Krông Pach. Mơya bơta bơsong jơnau gơlời wơl rwah jơngkah cau pơgru kung gam là jơnau ơm kơ\p sơl!

Cau mblàng mờ yal tơngi\t- Lơ Mu K’Yến