VOV4.K’ho- Phó Thủ tướng ồng Vũ Đức Đam neh kĭ Kơrnuat ring bal Broă lơh mblàng yal jơnau bè ring bal cau klau cau ùr tus nam 2030. Do là dơ̆ sơn rờp Việt Nam geh dùl broă lơh mblàng yal jơnau is bè ring bal cau klau cau ùr mờ broă wèt sền tus nam 2030. Broă lơh tơlik jơnau kờñ tus nam 2025, jơh ală bộ, gah broă lơh, ală càr ƀòn dờng bơt bơtàu broă rơndap lơh, lam lơh Nhai lơh broă tài ring bal cau klau cau ùr mờ rơcang sơndră bơta lơh pờng, lah pơr hơng tàm bơnàng jă cau klau cau ùr pah nam.

Lơh ngan tus nam 2030, jơnau git wă bè ring bal cau klau cau ùr bơh ală mpồl cau tàm mpồl bơtiàn dê gơguh bơh 10 tus 15% pơndrờm mờ nam 2025. Lơh ngan tus nam 2025 geh êt ngan rlau jơh 70% anih mblàng yal jơnau ngui tơrlòng lài mờ tus nam 2030 geh 90% anih mblàng yal jơnau ngan ngồn ngui khà bè cau klau cau ùr tàm broă mblàng yal jơnau.

Tus nam 2025 geh 95% mờ tus nam 2030 geh 100% ală jơnau hơ pơrgon, kơrrnuat bơh mpồl bơtiàn dê neh geh ring bal ờ geh bơta tam cah bè cau klau cau ùr. Pah nam, ală anih lơh broă, mpồl cau, mpồl lơh sa kă bro mờ làng bol geh mblàng yal jơnau, bơ to bơtê, yal jơnau tơnggit bè adat boh lam, broă lơh bè ring bal cau klau cau ùr êt ngan rlau jơh 2 dơ̆.

Cau mblàng K’Duẩn