VOV4.K’ho- Dơ̆ tàm jàu broă lơh đah Tổng Bí thư, ồng Nguyễn Phú Trọng, lài do là Chủ tịch lơgar mờ ồng Nguyễn Xuân Phúc, Ủy viên Bộ Chính trị, Chủ tịch lơgar pa geh lơh yŭ rơyùm tàm gơlang kuang atbồ lơgar. Sền wơl 2 nam nggùl tàm gơnoar broă Chủ tịch lơgar, tàm bơta uă kal ke, broă lơh den uă, Tổng Bí thư sền gŏ neh geh uă bơta lơh ngan lam lơh tơl làm, geh cồng nha ală kơnòl broă, gơnoar broă jat jơnau cih bơh Sơnua boh lam mờ adat boh lam dê.

Di tŭ do, Tổng Bí thư ưn ngài Phó Chủ tịch lơgar lài do, mò Đặng Thị Ngọc Thịnh neh lơh gơs jak ngan kơnòl broă tàm ală gah geh jàu. Tổng Bí thư pin dờn là, mờ nùs nhơm geh kơnòl uă, Chủ tịch lơgar, ồng Nguyễn Xuân Phúc mờ Phó Chủ tịch lơgar, mò Võ Thị Ánh Xuân geh mhar dờp broă pa, geh ală jơnau đơng lam di tŭ, geh cồng nha nàng Văn phòng Chủ tịch lơgar in pơn jat tai tơnguh nùs nhơm tam klac bal, pơgồp bal bơta pràn, dùl nùs bal, tam gơl pa, bơceh pa, bơt bơtàu Đảng bộ mờ anih lơh broă kơ̆ kơljap, pràn kơldang tơl làm, lơh gơs niam tơl kơnòl broă geh jàu.

Cau mblàng K’Duẩn