VOV4.K’ho- Drim do 22/12, tàm ƀòn tờm Đại tướng ồng Võ Nguyên Giáp dê tàm càr Quảng Bình, Ƀan câp hàñ Đảng dà lơgar, Quôk hội, Củ tịc lơgar, Cíñ phủ, Ủy ƀan Mặt trận dà lơgar Việt Nam mờ càr Quảng Bình bơyai lơh yŭ rơyùm Dơ̆ tơngkah 110 nam Ngai deh Đại tướng ồng Võ Nguyên Giáp.

Dơ̆ bơyai lơh tơngkah nàng kờñ jờng rơ mờ kah rơngal ală dà kơlhề, tă pơgồp dờng ngan bơh Đại tướng dê gơwèt mờ broă lơh tam dră dong klàs jơi bơtiàn, tơrgùm dùl dà lơgar, bơ̆t bơtàu mờ sền gàr dà lơgar Việt Nam xã hội củ nghiã; đơs nền gơnoar broă đơng lam àng sơrdah bơh Đảng Kộng sản Việt Nam dê, Củ tịc Hồ Chí Minh mờ ală kwang bàng đơng lam kăc màng lài do pơnrơ jak tàm broă lơh tam dră jòi geh bơta lơngăp lơngai, khăt gơboh is bơh jơi bơtiàn dê, ring lơngai, tơrgùm dùl dà lơgar mờ bơ̆t bơtàu sền gàr Dà lơgar. Anih Jơnau đơs Việt Nam pờ tơlik tơn broă lơh do bơh ƀòn dờng Đồng Hới, càr Quảng Bình tàm gah yal tơngĭt jơnau gơlik geh pah ngai VOV1.

Cau mblàng Lơ Mu K’Yến