VOV4.K’ho – Mang òr (07/5), tàm [òn dờng Sơn La, càr Sơn La yu\ rơ yùm bơyai lơh tơngkah 60 nam Ngai Bác Hồ mờ mpồl kuang bàng bơh dà lơgar dê tus còp, boh bơr mờ làng bol ală kòn cau Tây Bắc; sơn đờm ngui rùp mòn Bác Hồ mờ làng bol ală kòn cau Tây Bắc.

Lơh jat jơnau Bác Hồ bơto sồr, Đảng bộ, gơnoar atbồ, mpồl ling mờ làng bol ală kòn cau Tây Bắc, càr Sơn La neh ngai sơlơ bơtàu tơnguh bơta pràn tam klac dờng ală kòn cau, lơh ngan tàm pơr lòng, bơt bơtàu rài kis ngac ngar jak chài pa, lơh ngan bơtàu tơnguh bơta pràn, bơta [uơn nàng bơtàu tơnguh mờ lơh geh uă cồng nha kuơ màng tàm tơl gah bơh rài kis mpồl bơtiàn dê, lơh ngan gơ gơs là càr bơtàu tơnguh pràn tàm tiah kơh bơ nơm đah tô dà lơgar.

Broă bơyai lơh ală broă lơh tơngkah jơnau kah yau do là tu\ nàng làng bol, cau ling ală kòn cau càr Sơn La mờ ală càr Tây Bắc in ai go\ nùs nhơm kah kơlôi, ki ngàm, kah ưn ngài dờng ngan gơwèt mờ Bác Hồ; pơn jat tai bơsram mờ lơh jat nùs nhơm, rài kis Bác Hồ dê.