VOV4.K’ho- Drim ngai 09/8, tàm Gơlang Chủ tịch, Tổng Bí thư, Chủ tịch lơgar Lào ồng Thongloun Sisoulith mờ pơ ùr neh đơng lam dơ̆ rò Chủ tịch lơgar ồng Nguyễn Xuân Phúc mờ pơ ùr mờ bơhiàn wă rò dờng màng ngan rlau jơh ai Kuang atbồ lơgar in di tŭ Mpồl kuang bàng dờng màng Việt Nam còp ngan ngồn lơgar Lào. Tơn jơh dơ̆ rò ngan ngồn, 2 nă kuang đơng lam bồ geh dơ̆ tìp mat boh bơr lài mờ tŭ cribơyai broă.

Tơnơ̆ tìp mat cribơyai broă, 2 nă kuang đơng lam bồ sền dơ̆ kĭ uă sră nggal lơh broă bal kuơmàng tàm ală gah sền gàr adat boh lam, rơcang sơndră ma túy, jòi dong kờl rềs àr; kĭ lơh broă bal đah ală càr, ƀòn dờng; kĭ lơh broă bal đah ală mpồl lơh sa kă bro 2 lơgar tàm gah năng lượng, phan kuơ tàm ù. Tàm dơ̆ lòt còp do, Chủ tịch lơgar ồng Nguyễn Xuân Phúc kung geh tìp mat cribơyai broă mờ Thủ tướng Lào; Chủ tịch Quốc hội Lào; geh 2, 3 dơ̆ tìp mat mờ ală kuang đơng lam bồ lài do Đảng, dà lơgar Lào.

Cau mblàng K’Duẩn