VOV4.K’ho- Drim ngai 29/3, tơngkah kir sơnrai 46 nam ngai tơngklàs ƀòn tờm, ƀòn dờng Đà Nẵng bơyai lơh dơ̆ yal ală Nghị định, kơrnuat bơh Chính phủ, Thủ tướng Chính phủ dê bè bơtàu tơnguh ƀòn dờng Đà Nẵng. Hơ̆ là, Nghị định lam lơh jat Nghị quyết sồ 119 bơh Quốc hội dê bè lơh tơrlòng lài bơyai lơh broă lơh gơnoar atbồ tiah drà; Kơrnuat ring bal rơndap ù tiah bal ƀòn dờng; Kơrnuat gùng dà bơcri priă rơndap broă bơcri priă lơh anih ơhò ơm Liên Chiểu mờ gùng dà ai gơnoar bơt bơtàu rơndap broă Tiah tờm priă jền ƀòn dờng Đà Nẵng.

Đơs tàm dơ̆ yal, Phó Thủ tướng Chính phủ, ồng Trịnh Đình Dũng đơs nền, Nghị quyết sồ 119 bơh Quốc hội dê bè tơrlòng lài bơyai lơh broă broă lơh gơnoar atbồ tiah drà mờ 2, 3 cơ chế, broă lơh krơi is bơtàu tơnguh ƀòn dờng Đà Nẵng kuơmàng ngan. Do là ală cơng tàng adat boh lam dong ƀòn dờng lơh gơlik bơta tam gơl bè bơt bơtàu mpồl lơh broă gơnoar atbồ dipal mờ bơta geh ngan bơtàu tơnguh bơh ƀòn dờng Đà Nẵng dê.

Cau mblàng K’Duẩn