VOV4.K’ho - Tàm ala\ nam do, Đòan ơruh pơnu Công sản Hồ Chí Minh càr Dak Lak neh ngui geh cồng nha ala\ khà pria\ mut lơh broa\, dong kờl ơruh pơnu tus ơm kis lơh broa\ sa. Ua\ broa\ lơh  niam, ua\ broa\ lơh bơceh pa neh geh lơh ua\, dong ơruh pơnu geh tai broa\ lơh, bơtàu tơngguh pria\ geh.

            Ù tiah den hat hal, ờ geh tơl bơta nàng tam ala\ bơta  chi tam tờm ngan tàm [òn lơgar bè kơphe, tiêu, bi Vũ Việt Dũng kis tàm [òn 7, xã Ea Kpam, kơnhòal Cư\ Mgar, càr Dak Lak rwah broa\ lơh tam bơsềt.

            Mìng mờ dùl sào ù, bi Dũng neh tam tơl ala\ bơta bơsềt, tàm hơ\ tờm ngan la bơsềt linh chi, bào ngư mờ bơsềt kơmhơr. Dũng ai git,  nam 2016,  bi mut lơh sa mờ broa\  lơh tam bơsềt bào ngư, tài bơh pria\ ờ hoan ua\ den tàng bi neh tam tơrlòng bơh sơnrờp di 1 rbô kơldung bơsềt, rlau 4 nhai, bơsềt tơnhàu geh rlau 200 kg, tac mờ khà pria\  50 rbô tàm dùl kg,  tơnơ\ kờp jơh ala\ pria\ tuh lơh, bi gam geh cồng 6 tơlak pria\.

            Bulah pria\ cồng den ờ jơnhua mơya kung lơh geh Dũng in bơta pràn nàng pờ ơnàng broa\ lơh tam bơsềt. Nam 2017,  geh càn 100 tơlak pria\ bơh pria\ mut lơh sa bơh  Đòan ơruh pơnu, bi neh lơh geh tai bơnha\ hồl, hìu tam mờ  blơi tai phan bơna ma\y mok kỹ thuật bơtàu tơngguh lơh sa. Tus tu\ do,  anih tam bơsềt bi dê neh gơ rề ơnàng tus 10 rbô kơldung tam bơsềt mờ ua\ ngan ala\ bơta bơsềt, ai geh broa\ lơh sùm tus 6 na\ cau lơh broa\ tàm [òn, mờ pria\ nhai di 7-9 tơlak pria\ dùl nhai:

            Khà pria\ bơh sơnrờp lơh sa la 100 tơlak pria\ a` càn bơh Đoàn ơruh pơnu rê bơcri lơh hìu tam, bơnha\ hồl nàng pờ ơnàng broa\ lơh sa, tu\ do mờ 10 rbô kơldung tam bơsềt pah kàl tam bơsềt tàm  bơh 4 tus 5 nhai a` tơnhàu geh pơgap di  60 tus 70 tơlak pria\.

            Kung rwah  broa\ lơh sa suơn sre lơh geh broa\  lơh bơtàu tơngguh lơh sa, bi Y Linh Niê deh nam 1988, kòn cau Rơđê kis tàm [òn 4, thị trấn Ea Pôk, kơnhòal Cư\ Mgar, càr Dak Lak neh mut lơh  sa geh cồng nha mờ broa\ lơh tam bơkàu cúc, cèng wơl pria\ geh rlau 100 tơlak pria\ dùl nam. Bi Y Linh pà git, tàm nam 2014, tu\ sùm kui kuơ jòi pria\ nàng bơtàu tơngguh lơh broa\ sa tam bơkàu cúc  den bi geh càn  di 20 tơlak pria\ bơh pria\ mut lơh sa bơh đoàn ơruh pơnu, geh pria\ càn, Y Linh neh tus càr Lâm Đồng bơsram  kỹ thuật tam bơkàu cúc mờ lơh geh geh cồng nha broa\ lơh tam bơkàu cúc tàm [òn lơgar. Broa\ lơh lơh sa bi dê tu\ do ờ mìng gơ cèng wơl pria\ geh niam mờ gam geh ua\ gơp bơyô tus  lùp bơsram:

            Bơh tu\ geh  càn pria\ dong kờl ơruh pơnu ơm kis lơh broa\ sa bơh mpồl tam klac ơruh pơnu càr Dak Lak  dong kờl, a`  neh tus ala\ cau tam  suơn tàm Dà Làc nàng bơsram kỹ thuật tam bơkàu cúc mờ tơnơ\ hơ\ geh  rê lơh broa\ tam bơkàu cúc, git bơta chài den suơn bơkàu ờ hoan tu sa,  cồng nha tơnhàu u\a dong gàr kơ\ lơh sa hìu nha\.

            Bi Dũng, bi Linh mìng la 2 tàm git nđờ rbô na\ ơruh pơnu bơh càr Dak Lak gam lơh ngan pah ngai nàng lơh pas di pal tàm ù tiah [òn tơm.

            Bi Y Nhuân Bya\, Bí thư Đoàn ơruh pơnu Công sản H Chí Minh càr Dak Lak ai git, lòt bal mờ ơruh pơnu ơm kis, lơh broa\ sa, tỉnh đoàn Dak Lak neh lơh bal mờ ala\ mpồl lơh sa ka\ bro, mpồl dong kờl khà pria\, ai càn pria\ nàng ala\ broa\ lơh ơruh pơnu in bơtàu tơngguh lơh sa. Tus tu\ do,  ala\ kơna\  mpồl cau kuang gah Đoàn gam atbồ kờp jơh jơng kah dồs khà pria\ càn bơh lơh sra\ mờ Ngân hàng Chính  sách xã hội rlau 630 tơmàn pria\, geh tam pà pria\ tàm kes pria\ dà lơgar ai geh broa\ lơh  bơh gah Đòan dà lơgar ai tus 6 mpồl mờ kờp jơh khà pria\ la 1 tơmàn 200 tơlak pria\. Bơh khà pria\ do,  neh pơ gồp  dong kờl ơruh pơnu lơh geh ala\ broa\ lơh sa tam phan  mờ ròng phan  ua\ ngan broa\ lơh neh lơh geh cồng nha, cèng wơl cồng nha lơh sa jơnhua ngan:

            Tu\ do,  nùs nhơm bơceh mut lơh sa bơh ơruh pơnu la niam ngan, tỉnh đoàn geh broa\ lơh pơlam bè tơnggu me mờ dong kờl khà pria\, ơruh pơnu geh bơceh mờ mut lơh jơnau sơnơng mut lơh broa\ bơh  he dê, mùl màl neh geh ua\ ngan ơruh pơnu mut lơh broa\ neh geh cồng nha mờ geh ta\ pơ gồp ngan tus bơta bơtàu tơngguh bal mpồl bơtìan.

            Đoàn ơruh pơnu mut lơh broa\ geh cồng nha ờ mìng ta\ pơ gồp tàm bơtàu tơngguh lơh sa [òn lơgar, mờ gam lơh geh gơ rề, chul chồl  srơh broa\ lơh bơceh mut lơh broa\ sa tàm gùt càr. Ala\ ơruh pơnu geh cồng nha tàm bơtàu tơngguh lơh sa gam nhap nhar tam pà bơta mờng, dong kờl khà pria\ ai tus ala\ cau tàm mpồl ơruh pơnu ndai  geh mut lơh broa\ sa nàng attê bal bơt bơtàu [òn lơgar Dak Lak slơ ngai slơ pas niam.

                   Cau cih mờ yal tơnggit K’ Brọp