VOV4.K’ho – Jơnau đơng lam sồr til mpồng brê geh is, mut lơh ală broă lơh jal mhar sền gàr mờ tam wơl brê geh is bơh Chính phủ dê tus tu\ do neh rlau 4 nam lơh jat. Mơya, bu\lah geh ală jơnau đơng lam krà` cê bơh Chính phủ dê, brê Tây Nguyên tàm tơngai lài kung gơtìp kơl mus uă ngan mờ ngai sơlơ gơmù bè khà, kung bè bơta niam. Kơl mus brê, tơnhàu dơm chi tìs mờ adat boh lam kung gam gơlik geh uă ngan. Mpồl cau ai tơnggit jơnau đơs Việt Nam tàm Tây Nguyên pa lòt sền broă kơl mus dơm chi tàm bă brê Đăk Rơ Nga, gơwèt bơnah brê bơh kong ti TNHH MTV Lâm nghiệp Đăk Tô (kơnhoàl Đăk Tô), càr Kontum. Bơta pal đơs là broă kơl mus gơlik geh tàm tiah geh pơn rơ là “sền gàr brê niam ngan rlau jơh càr”:

Bơh Trạm gak mpồng brê Đăk Rơng, bol a` pal lòt jơng rlau 10 kơi sồ, mờ gơl gùng kơh, lu\ rơđeh, ntiar ngan. Mờ pal roh rlau 4 jiơ lòt jơng sùm, hơ\ sồng tus bă brê gơwèt bơnơm Ngọc Ló. Bơh do, tiah kơl mus dơm chi tìs mờ adat boh lam sơm đờm mpờl go\. Tàm tiah do, bol blơ\ rơwah ală tờm chi geh bơta kuơ uă nàng koh kơl. Jat sền go\, geh uă tờm chi Dổi dờng bơh 70 phơng tus 1 thơk gơtìp kơl mờ òt tơn tàm brê. Bă tiah gam wơl mìng là ală tờm chi dờng, jo\ sơnam mờ tềl òt gam pa.

Tềl òt gam pa ngan

Bơta pal đơs là geh tiah, bol blơ\ neh kơl mus jơh dùl bă brê ơnàng bơh 4 tus 5 thơk, jòng tus 100 thơk nàng tơmut rơndeh rơn dồ kờ` pơndiang, hoài dơm chi lik. Tàm gùng hoài dơm chi, ală tờm chi ờ huan geh kuơ dờng bơh 40 tus 50 phơng kung gơtìp koh kơl nàng wàs gùng. Bơta do ai go\, broă kơl mus gơlik geh dờng ngan. Bu\lah bè hơ\, ồng Hồ Đình Tuấn, atbồ mpồl drơng broă trạm gak mpồng brê Đăk Rơng pà git, neh sùm lòt sền, ting kup mơya mìng sền go\ 2, 3 dơ\ koh kơl rah rài: “Bơh bồ nam tus tu\ do, mpồl bol a` dê pơgồp bal mờ ală gah lơh broă geh gơnoar git go\ 4 dơ\ koh kơl aniai brê, mờ rlau 2 khối dơm chi gơtìp koh kơl. Bol a` neh lòt sền mờ sền go\, khi wàs gùng, den bol a` kung tus. Mpồl bol a` dê neh lơh ngan bloh, mơya kơl mus rah rài bè hơ\, hòi là ngò` ìa jo\ den bềng rơ sòn, rơndeh mai\ den lòt rah rài.”

Dùl tờm chi dờng gơtìp kơl

Pơn drờm mờ 2, 3 broă gơlik geh mờ khối dơm chi mpồl sền gàr brê git go\, bơsong mờ bơta geh ngan tàm tiah kơl mus, geh bơta lin dờng ngan. Bơh hơ\, ai go\, dùl khà dơm chi dờng neh gơtìp pơndiang lik bơh brê.

Tềng đap bơta geh ngan do, ồng Nguyễn Thành Chung, Kuang atbồ Kong ti TNHH MTV Lâm nghiệp Đăk Tô dờp, broă kơl mus dơm chi tìs tàm bơnah brê bơh kong ti dê kung gam gơlik geh, ờ hềt geh bơsong jơh. Sền ờ uă rùp mờ cau ai tơnggit jơnau đơs cùp ơm chi gơtìp kơl mus tìs, ồng Chung đơs là, ală broă do mìng là dềt mờ rah rài, mờ neh geh git go\, bơsong jơh: “Bol a` neh lơh sră mờ neh bơsong. Den pal đơs là, broă lơh atbồ, sền gàr brê bol a` dê neh lơh jơh bơta pràn, lơh jat kơnòl broă. Mờ lài mờ tu\ mut tàm brê den bol a` kung neh yal sơl. Bơta kơl mus dềt, rah rài mờ rơndeh mai\ tàm trồ mang den kung gam gơlik geh tàm bơnah brê bol a` dê, ai bol a` den ờ đơs ngan là ờ gam bơta kơl mus dềt mờ rah rài.”

Ală gơl dơm chi gam wơl tàm tiah gơtìp kơl mus

Mơya, kung bơh ală rùp cùp bơh tiah kơl mus hơ\, tu\ lơh broă mờ bol a`, ồng Nguyễn Mạnh Vũ, Kuang atbồ Hạt Kiểm lâm kơnhoàl Đăk Tô pà git, là mpồl dờp, bơsong tơn ală broă lơh tìs bè atbồ, sền gàr brê tàm kơnhoàl mơya ờ hềt dờp geh dùl jơnau yal lơi bơh Kong ti TNHH MTV Lâm nghiệp Đăk Tô dê. Bơh rùp mờ [au\ Điện tử VOV.VN dê pờ tơlik, Hạt kiểm lâm hơ\ sồng git brê tàm tiah do gơtìp kơl mus. Tàm tu\ hơ\, jat Nghị định sồ 15 bơh Chính phủ dê cih bè lơh glài mờ priă bè atbồ, sền gàr brê den tu\ sền go\ broă lơh tìs, kong ti lâm nghiệp pal lơh sră bơh sơn rờp mờ pal yal, jun sră nggal ai đah Kiểm lâm in bơsong. Ồng Vũ pà git, broă git jơnau yal, pơ gồp bal lơh broă đah ală cau tờm brê đơs bal, Kong ti TNHH MTV Lâm nghiệp Đăk Tô đơs is mờ gơnoar atbồ, mpồl lơh broă geh gơnoar tàm do tàm tơngai lài kung ờ uă; broă lơh jòi kup bol blơ\ kơl mus brê ờ hềt geh cồng nha: “Mìng is gơwèt mờ broă đah VOV yal, den kong ti lâm nghiệp Đăk Tô ờ hềt geh jơnau yal bè broă lơh tìs tàm bă tiah hơ\ ai Hạt Kiểm lâm in git nàng pơ gồp bal bơsong. Dơ\ 2, broă bơyai lơh lòt sền, jòi kup ờ hềt geh lơh sùm mờ git ală tiah kuơ màng kờ` ai mpồl lơh broă lơh broă tus, pơgồp bal mờ ală anih lơh broă tơl pràn nàng lòt sền, jòi kup tàm bă brê den ờ hềt geh lơh krà` cê. Den tàng, briă lơh tìs kung gam gơlik geh.”

Gùng lik bơh brê pal lòt gan Trạm gak brê

Bơta pal đơs là kung tàm bă brê mờ cau ai tơnggit jơnau đơs lòt sền, nhai 2 nam 2018, gơlik geh broă kong ti TNHH MTV Lâm nghiệp Đăk Tô pơndiang is 84 khối dơm chi ờ git loh bơh lơi geh lik bơh brê. Broă pơndiang dơm chi do gơlik geh tu\ kong ti do hoài 415 khối dơm chi kup bàn bơh dùl broă lơh tìs kơl mus brê bơh Bộ Kuang àng kup geh pơgap mờ do 4 nam tàm bơnah brê bơh kong ti dê. Kung kờ` đơs wơl, broă lơh tìs do là 1 tàm ală broă lơh tìs bè kơl mus dơm chi dờng ngan rlau jơh tàm Tây Nguyên tàm ală nam do.

Lài hơ\ Kong ti Lâm nghiệp Đăk Tô gơtìp đơs là blac pơr lồm tu\ pơndiang dơm chi kup bàn

Broă kong ti pơndiang dùl khà uă ngan dơm chi lik bơh brê mờ ờ yal ală anih lơh broă geh gơ noar tàm do in neh lơh mpồl bơtiàn geh uă jơnau pin ờ niam. Mờ UBND càr Kontum gam đơng lam ală gah lơh broă geh gơnoar lùp khàu, lơhg lài krà` ală broă lơh tìs.

Kong ti lâm nghiệp Đăk Tô bơh jo\ neh geh pơn rơ là tiah “sền gàr brê niam ngan rlau jơh Kontum”. Do kung neh geh tu\ là dùl khà khà êt mpồl geh Hội đồng sền gàr brê dunia FSC lơh sră ai rơndap broă atbồ, sền gàr brê kơ\ kơljap. Mơya, brê tàm do neh mờ gam pơn jat tai gơtìp kơl mus mờ khà ờ di là dùl êt.

            Cau mblàng K’Duẩn