VOV4.K’ho - Ngai òr (06/04), Bộ Quốc phòng bơyai lơh pơrjum pờ tơlĭk tàm internet pơrjum dơ̆ 14 Mpồl kuang bàng jăk chài sền gàr bơta ring lơngai tơngai dơ̆ 4, tơngai lơh broă bơh nam 2021 tus 2023 tàm broă bơyai lơh pơrjum Bộ trưởng Quốc phòng mpồl ASEAN pờ ơnàng.

Đại tá Mạc Đức Trọng, Kuang atbồ mpồl kuang bàng jăk chài sền gàr bơta ring lơngai lơgar Việt Nam mờ mò Matsuzawa Tomoko, kuang atbồ Mpồl kuang bàng jăk chài sền gàr bơta ring lơngai lơgar Nhờk đơng lam bal pơrjum. Pơrjum pơn jăt tai ai tơngŏ bơngă, gơnoar, broă pơgồp bal bơh lơgar Việt Nam tàm ală cơ chế lơh broă bal uă lơgar bè broă sền gàr bơta ring lơngai Liên hợp quốc tàm tiah do dê.

Do kung là bơta niam nàng tơnguh broă cri bơyai bè broă lơh, tam pà bal broă mờng chài bơh ală lơgar tàm mpồl mờ Liên hợp quốc nàng chồl pràn broă tus bal bơh cau ùr tàm ală broă lơh bè sền gàr bơta ring lơngai. Đại tá Mạc Đức Trọng pà gĭt: Pơrjum Bộ trưởng Quốc phòng mpồl ASEAN pờ ơnàng neh pơgồp bal uă ngan tàm broă tơnguh broă lơh broă bal sền gàr bơta lơngăp lơngai dà lơgar, tài bơta ring lơngai, ring niam, tơnguh bơtàu tàm tiah do mờ tàm dunia.

Cau mblàng Ndong Brawl