VOV4.K’ho – Drà – Ràng tơlik gah lơh kơphe là dùl tàm ală broă lơh geh pơn rơ bơh dơ\ lơh chờ kơphe Buôn Ma Thuột dơ\ 7 nam 2019 dê pa geh lơh tàm poh lài. Drà neh pơgồp bơnah lơh jat jơnau kờ` tus nàng jòi git, cribơyai git wă lơh sa suơn sre kung bè ală kòl yan gơlik geh tàm broă lơh sa suơn sre bơh làng bol dê kung bè bơta kơp kờ` bơh mpồl lơh sa kă bro dê kờ` yal tơnggit phan lơh gơs, mat sơnđan kă bro, tàm tơrbo\ rề ơnàng drà kă bro.

Do là dơ\ 4 ồng Chu Văn Mùi ơm tàm thị trấn Ea Kar, kơnhoàl Ea Kar lòt sền ală broă lơh tàm Drà – ràng tơlik gah lơh kơphe. Gam geh 4 lồ kơphe tam bơrlu\, dơ\ do ồng đal git jơnau kờ` loh làng rlau tu\ lòt sền drà, hơ\ là kờ` rơcang lài tam tìp, cribơyai mờ ală cau jak chài, ală mpồl tac phan bơna, mai\ mok, phan ngui tàm broă lơh sa suơn sre mờ bơsram đòm jat ală cồng nha khoa học kỹ thuật pa kờ` ngui tàm broă lơh sa he dê. Ờ mìng bè hơ\, bơh dơ\ lơh drà, ồng mờ tơl nă cau git rlau tai bè bơta niam mờ bơta li la bơh kơphe tàm ù tiah kơh bơnơm bazan dờng ngan rlau jơh dà lơgar Việt Nam, nàng geh broă rơndap lơh sa kă bro dipal. Ồng đơs: “Nam do den a` lơh ngan nàng jòi ală bơta kơphe bơkah. Tài gơwèt tàm tơl bă tiah, pơn yơu bè ndrờm tàm Dak Lak mơya kơphe tàm Krông Năng krơi, kơphe tàm Ea Tó krơi, Krông Pak den kung krơi. Mìng ngài pơgap 10, 15 kơi sồ mờ bơta niam kơphe dê neh krơi ngan.”

Nac lòt sền rơ wah blơi tờm sơntìl

Pơn drờm mờ ală cau lơh sa suơn sre, ală mpồl lơh sa kă bro tàm gah lơh kơphe ngai sơlơ kơp kơnờm tàm drà đơs is mờ dơ\ lơh chờ kơphe đơs bal. Ồng Cao Tiến Quốc, ala mat Tổng kong ti kơphe Việt Nam pà git, kơphe bơh tổng kong ti dê neh tac tus rlau 60 lơgar mờ kơnhoàl ù tiah, mơya kong ti kung gam sền drà mờ chờ kơphe là tu\ nàng yal nac nhơl chờ mờ gơp bơyô dunia in git uă rlau tai bè bơta niam kơphe Việt Nam dê, tìp mat ală mpồl lơh broă bal nàng geh rơndap broă kă bro pa. Den tàng, tàm sùm 7 dơ\ lơh chờ, kong ti sùm cèng tus ală anih ràng phan niam ngan rlau jơh, mờ ală bơta phan là bơta pràn ngan rlau jơh kong ti dê: “Tàm drà kơphe dơ\ 7, Tổng kong ti kơphe Việt Nam cèng tus 2 bơta phan là kơphe Đăk Hà mờ kơphe Biển Hồ Xanh. Mờ jơnau kờ` cèng tus cau nac in kơphe ờ bơrlu\ ai bơh ală bă tiah bơh ală mpồl lơh broă gơwèt tổng kong ti dê nàng lơh gơlik ală bơta kơphe ờ bơrlu\. Bơh hơ\ cau nac geh git uă rlau tai bè tổng kong ti, ờ mìng là dùl mpồl ờs tac kơphe hờ lơgar ndai mờ gam là dùl mpồl lơh gơlik uă, tac kơphe pơr mai\ mờ kơphe klài lề.”

Nac nhơl chờ hùc kơphe tàm drà

Bal mờ ală anih ràng phan gah lơh kơphe, drà ràng tơlik tàm dơ\ lơh chờ kơphe Buôn Ma Thuột dơ\ 7 gam niam tài bơh dùl ròt ală anih ràng phan bơh ală mpồl sơn đờm mut lơh broă dê. Macca Dak Lak, kơphe Macca, kơphe sơnơm… mờ uă ngan phan pa neh geh ală Startup Dak Lak yal. Bi Nguyễn Bá Đạo, dùl Startup tàm kơnhoàl Krông Năng đơs là, do là càr neh jàu tu\ tơngai [uơn dờng màng ngan, den tàng ală Startup neh geh bơta rơcang lài nền nòn ngan, tơlik mat ală phan bơna niam ngan rlau jơh he dê: “Jat UBND càr Dak Lak yal, bơtàu tơnguh lơh sa tàm tơngai mut gơ rờm bal den bơdĩh mờ broă ai geh uă tu\ [uơn kung gam geh ală bơta lòng pa gơwèt tus gah lơh kơphe, sồr pal geh bơta rơcang lài bơh mpồl lơh sa kă bro, làng bol dê tàm broă tơnguh jơnhua bơngă pin dờn, mat sơnđan kă bro, bơta niam gơwèt mờ kơphe. Tàm drà dơ\ do, càr Dak Lak mờ ală tiah neh rơcang lài uă rlau tai tàm broă lơh hòi jà bơcri priă kă bro, rề ơnàng drà kă bro tac hờ lơgar ndai, pơlam cau tam kơphe in bơta chài tam sơngka sền gàr nàng tơnguh jơnhua cồng nha tơnhàu, bơta niam, dong gah lơh kơphe bơtàu tơnguh dùl bă kơ\ kơljap, lam Buôn Ma Thuột gơ gơs là “Anih tus bơh kơphe dunia dê”.

Jòi git bè mai\ mai\ kơphe

Bè đah làng bol, tơl nă cau tus mờ drà – dơ\ lơh chờ kơphe Buôn Ma Thuột mờ dùl jơnau kờ` krơi is. Geh cau tus nàng jòi tu\ [uơn lơh broă bal, lơh sa kă bro, yal tơnggit phan lơh gơs. Geh cau den tài kờ` sền go\ tơn ùr hàng H’Hen Niê, là cau bơh [òn tờm kơphe dê. Geh cau den tus nàng mìng kờ` sền nùs nhơm dơ\ lơh chờ. Mờ drà neh lơh jat bơta kơp kờ` bơh uă ngan tơl nă cau dê, tàm khà rlau 200 rbô dơ\ nac tàm 5 ngai geh lơh drà. 800 anih ràng phan bơh 230 mpồl lơh sa kă bro mờ ală bơta phan li la ngan, bal mờ bơta bơyai lơh niam ngan bơh mpồl tờm lơh mờ ală mpồl lơh sa kă bro dê neh dong gơp bơyô tàm lơgar mờ dunia gơtùi sền go\ ală bơta lơi là niam ngan rlau jơh bơh ù tiah kơh bơnơm dờng ơning ơnàng dê.

                   Cau mblàng K’Duẩn