VOV4.K’ho- Pơrjum “Cribơyai bơtàu tơnguh ală tiah nam 2021” bơh Học viện Chính trị dà lơgar dê bơyai lơh geh bơyai lơh tàm drim  ngai do 13/7.

Tàm dơ̆ cribơyai, ală Kuang bàng cribơyai ală jơnau bơceh lơh mờ gùng dà broă lơh bơtàu tơnguh dong ală tiah bơtàu tơnguh lơh sa- mpồl bơtiàn.  Anih tàm tơrbŏ bal tờm bơh Pơrjum cribơyai dê là tàm Hà Nội mờ geh pờ tơlik tơn tàm internet tus ală anih tàm tơrbŏ bal tàm ală càr, ƀòn dờng gơwèt dà lơgar. Cribơyai bơtàu tơnguh ală tiah nam 2021 geh tơngume “Lơh jat jơnau kờñ bơtàu tơnguh tàm bơta bè ờs pa” geh cribơyai ală tŭ tơngai niam bơtàu tơnguh bơh ală tiah dê, tơrgùm tàm ală jơnau bơceh lơh tơnguh uă cồng nha atbồ lơh jat broă lơh tàm tơngai tam gơl sồ mờ ngui bơta pràn mờ ƀuơn bơh gơguh tơlir dê nàng sơr lèt gan kòp dờng Covid-19, mờ sơlơ bơtàu tơnguh uă. Pơrjum cribơyai tàm hơ̆ geh 2 dơ̆ pơrjum bơyai broă atbồ lơh jat jơnau kờñ bơtàu tơnguh tàm tơngai bè ờs pa mờ ală tŭ tơngai gơguh tơlir mờ bơta kơ̆p kơnờm sơr lèt gan kòp Covid-19.

Cau mblàng K’Hạnh