VOV4.K’ho- Pơn jat tai broă lơh pơrjum dơ̆ 58, drim do, (14/7), Ủy ban Thường vụ Quốc hội ai jơnau đơs tă pơgồp bal tàm broă rcang ai pơrjum dơ̆ 1, Quốc hội khoá 15 in. Jat tơngume broă lơh pơrjum dơ̆ 57 bơh Ủy ban Thường vụ Quốc hội dê, kờp dŭ tàm tơngai lơh broă bơh pơrjum dơ̆ 1, Quốc hội khoá 15 là 11 ngai nggùl. Tàm hơ̆, tơngai uă ngan tơrgùm tàm broă lơh Kuang bàng.

Tàm dơ̆ pơrjum dơ̆ 1, Quốc hội geh lơh dơ̆ pồ Chủ tịch lơgar, Thủ tướng Chính phủ, Chủ tịch Quốc hội khóa pa. Ală dơ̆ sơnđờm mut pơrjum, mờ tơn jơh pơrjum: cribơyai bè lơh sa- mpồl bơtiàn; kes priă dà lơgar 6 nhai bồ nam, broă rơndap lơh bơtàu tơnguh lơh sa- mpồl bơtiàn 5 nam, broă lơh lơh jat tềm pềr, kơryan pơ hì pơ hà nam 2021 geh pờ tơlik tơn tàm anih jơnau đơs mờ anih sơñio rùp nàng cau tĕ khà in sền. Mờ bơta krơi is mùl gŏ bè tơngume dơ̆ pơrjum dê, Quốc hội pal pơrjum tơrgùm bal tàm hìu Quốc hội. Văn phòng Quốc hội neh rcang lài pơgồp bal mờ ală anih lơh broă geh gơnoar rcang lài nền nòn, niam ngan nàng  drơng broă niam ngan rlau jơh ai dơ̆ pơrjum in.        

Cau mblàng K’Hạnh