VOV4.K’ho - Drim do (24/11), tàm Hà Nội, Pơrjum bơta Chài rơgơi gùt lơgar lơh jăt Nghị quyết Pơrjum dờng cau ala măt gùt lơgar dơ̆ 13 Đảng dê geh bơyai lơh tềng đăp mờ broă đơng lam bơh Tổng Bí thư ồng Nguyễn Phú Trọng.

Tơnơ̆ mờ 75 nam Pơrjum bơta Chài rơgơi gùt lơgar dơ̆ sơnrờp (24-11-1946) geh bơyai lơh, Pơrjum bơta Chài rơgơi gùt lơgar nam 2021 geh kuơ màng ngan, nàng brồ guh nùs nhơm kơ̆p kờñ bơh gùt jơi bơtiàn nàng mŭt tàm dùl rài pa, tơrgùm tơnguh bơtàu mhar mờ kơl jăp dà lơgar. Pơrjum geh ai tơngai sền wơl cồng nha lơh jăt Nghị quyết Pơrjum dờng cau ala măt gùt lơgar dơ̆ 12 bơh Đảng bè broă lơh chài rơgơi, đơs crih tamya...; bơh tŭ hơ̆ geh ring bal gùng dà broă lơh, kơnòl tờm tàm broă chài rơgơi, đơs crih tamya tơngai bơh nam 2021 tus 2026, wèt tus nam 2045. Mờ nùs nhơm kơ̆p kờñ tơnguh bơtàu dà lơgar pas gơs, gơboh gơbài; tơnguh bồ tơngoh bal mờ bơta pràn kơl dang tam klăc gùt jơi bơtiàn kòn cau, pơgồp bal mờ bơta pràn rài tŭ do dê.

Cau mblàng Ndong Brawl