VOV4.K’ho- Drim do (27/5), Ủy ban Thường vụ Quốc hội khóa 14 bơyai lơh pơrjum dơ̆ 56. Tơngume kuơmàng ngan rlau jơh tàm dơ̆ pơrjum do hơ̆ là Mpồl duh broă tĕ khà dà lơgar yal ing bè cồng nha tĕ khà Kuang bàng Quốc hội khóa 15 mờ kuang bàng Hội đồng Nhân dân ală kấp tơngai lơh broă bơh nam 2021 tus nam 2026. Tàm tŭ tơngai kòp Covid-19 gơlik geh kal ke, dơ̆ tĕ khà kuang bàng Quốc hội khóa 15 mờ kuang bàng Hội đồng Nhân dân ală kấp tơngai lơh broă bơh nam 2021 tus nam 2026 neh lơh geh  cồng nha mờ khà cau tĕ khà lòt đùh sră pồ uă. Rlau 66 tơlak nă cau tĕ khà gùt lơgar lòt đùh sră pồ, geh rlau 95%, tàm hơ̆ geh mờr 32 rbô mpồl tĕ khà geh 100% cau tĕ khà lòt đùh sră. Kung tàm dơ̆ pơrjum do, ală kuang bàng ai jơnau đơs bè jơnau yal sền sơ wì kes priă dà lơgar nam 2019, jơnau yal priă jền dà lơgar nam 2019 mờ ai jơnau đơs bè jơnau yal bơh Chính phủ dê bè broă lơh jat tềm pềr, sơndră hoàc huơr nam 2020.

Cau mblàng K’Duẩn