VOV4.K’ho - Bộ Y tế pà gĭt, kờp bơh 6 jơ mang ngai òr (10/5) tus 6 jơ drim ngai do 11 nhai 5, lơgar Việt Nam geh 28 nă cau gơtìp kòp pa geh dờp tàm lơgar. Tàm hơ̆ geh 1 nă cau tàm hìu sơnơm Kòp Nhiệt đới Dà lơgar, 13 nă cau tàm càr Bắc Ninh, 7 nă cau tàm càr Vĩnh Phúc, 5 nă cau tàm càr Bắc Giang, 1 nă cau tàm càr Lạng Sơn mờ 1 nă cau tàm càr Hải Dương. Kờp tus 6 jơ drim do ngai 11 nhai 5, lơgar Việt Nam kờp jơh geh 2 rơbô 56 nă cau geh dờp tàm lơgar mờ 1 rơbô 433 nă cau mŭt bơh lơgar bơdìh. Khà cau gơtìp kòp pa kờp bơh ngai 27 nhai 4 tus tŭ do là 486 nă.

Kờp tus 4 jơ mho ngai òr (10/05), gùt lơgar kờp jơh neh lơh jăt broă cĭt sơnơm vaccine sơndră mờ kòp Covid-19 dơ̆ sơnrờp mờ dơ̆ 2 geh 892 rơbô 454 ding sơnơm vaccine geh tam pà, geh 97%. Cau geh cĭt lài ngan là kuang bàng, cau lơh sơnơm gam sơm kòp cau kòp Covid-19, ală cau lơh sơnơm lơh jăt ală kơnòl bè ai phan kòp, xét nghiệm, jòi cau geh pin, cau tàm ală mpồl kòp Covid-19 tàm mpồl bơtiàn, Mpồl đơng lam sơndră mờ kòp, kuang àng, cau ling.

Cau mblàng Ndong Brawl