VOV4.K’ho-  Pơrjum cribơyai dơ̆ 3 nàng sac rơwah, cih mat ală cau bơh anih lơh broă, mpồl cau, mpồl lơh broă tàm dà lơgar tơl bơta tơlik mat tĕ khà Kuang bàng Quốc hội khoá 15 geh lơh tàm drim do, 16/04, tàm Hà Nội.

Pơrjum cribơyai dơ̆ 3 tàm dà lơgar bơh Mpồl Chủ tịch Ủy ban Mặt trận Dà lơgar Việt Nam bơyai lơh, đơng lam nàng sac rơwah, cih mat ală cau tơl bơta tơlik mat tĕ khà Kuang bàng Quốc hội tàm Dà lơgar. Pơrjum cribơyai, sac rơwah, cih mat ală cau geh tơl bơta tơlik mat tĕ khà Kuang bàng Quốc hội. Dilah ờ geh jơnau ring ƀal den pơrjum lơh nền mờ broă lơh pờ tê ring bal halà đùh sră ndơ̆p. Jat jơnau sồr, lơyài ngan là ngai 23/04/2021 (30 ngai lài mờ ngai tĕ khà), Ban Thường trực Ủy ban Mặt trận dà lơgar Việt Nam pơyoa sră nggal tus Pơrjum cribơyai dơ̆ 3 mờ sră cih mat cau tơl bơta tơlik mat tĕ khà geh Mpồl Chủ tịch Ủy ban Mặt trận dà lơgar Việt Nam yal tơngĭt tơlik mat tĕ khà Kuang bàng Quốc hội tus Mpồl duh broă tĕ khà dà lơgar mờ Ủy ban Thường vụ Quốc hội in.

Cau mblàng K’Hạnh