VOV4.K’ho- Ngai 24/11, tàm Hà Nội, Đại sứ lơgar Đức tàm lơgar Việt Nam ồng Guido Hildner neh jàu pà 75 nơm măi tă nhơm, 15 nơm Monitor mờ 200 rbô nơm măi đo khà oxy mờ khà plai nùs ai Hìu sơnơm Hìu bơsram Đại học Y Hà Nội in. Kờp jơh khà măi mok, phan bơna lơh sơnơm do kờp priă mờr 21 tơmàn đong (pơgap 825 rbô Euro). Đơs tàm dơ̆ bơyai lơh, Đại sứ lơgar Đức tàm Việt Nam ồng Guido Hildner pà git, mờ broă dong kờl ală phan bơna, măi mok lơh sơnơm do, lơgar Đức kơp kờñ geh bal mờ Việt Nam tàm broă sơndră kòp dờng. Lài hơ̆ tàm nhai 9, Đức neh dong kờl Việt Nam mờr 3 tơlak 500 rbô ding sơnơm vaccine AstraZeneca.

Cau mblàng K’Duẩn