VOV4.K’ho- Duh broă sùm Tỉnh ủy Lâm Đồng neh lơh broă mờ Ủy ban Tĕ khà càr Lâm Đồng bè tơngai lơh broă tĕ khà Kuang bàng Quốc hội khoá XV mờ Kuang bàng Hội đồng Nhân dân ală kấp, tơngai lơh broă bơh nam 2021- 2026. Tus tơngai do, broă lơh tĕ khà ală kấp bơh càr tus xã, sơnah ƀòn ndrờm lơh jăt di tơngai mờ di jơnau sồr.

Jơh gùt càr Lâm Đồng neh lơh geh cồng nha pơrjum cribơyai dơ̆ 2, bơh hơ̆ ring bal măt 13 nă cau tơlik măt tĕ khà kuang bàng Quốc hội, 131 nă cau tơlik măt tĕ khà kuang bàng Hội đồng nhân dân càr, kuang bàng Hội đồng Nhân dân kấp kơnhoàl, ƀòn dờng là 800 nă, kấp xã, sơnah ƀòn, thị trấn là 6 rbô 624 nă. Broă ai jơnau đơs cau tĕ khà tàm anih ơm kis gơwèt mờ cau tơlik măt tĕ khà Kuang bàng Quốc hội mờ Kuang bàng Hội đồng Nhân dân ală kấp gam geh lam lơh jăt niam ngan, kơ̆ kơl jăp ngan jăt di jơnau sồr.

Kuang đơng lam bồ Tỉnh ủy Lâm Đồng tơngkah, pal pơn jăt tai lơh mhar tŭ tơngai lơh jăt ală broă lơh pơn jăt tai bơh broă lơh tĕ khà dê; pơn jăt tai sơlơ lơh pràn broă lơh mblàng yal jrô ơnàng làm uă nàng làng bol in gĭt wă loh gơnoar broă mờ bơta kuơ bơh dơ̆ tĕ khà dê.

Cau mblàng Lơ Mu K’Yến