VOV4.K’ho-Mờ adat bơhiàn hùc dà kah tô dà, ală hìu làng bol tàm xã Dak Buk So, kơnhoàl Tuy Đức, càr Dak Nông dê neh tă pơ gồp bơta pràn mờ phan bơna lơh Hìu duh khuai bơtau Hùng nàng kah kơlôi [òn tờm mò pàng he dê mơkung sơlơ tơnguh tai nùs nhơm tam klac bal ală jơi bơtiàn, tàm dong kờl bal tàm rài kis mờ bơtàu tơnguh lơh sa.

            Hìu duh khuau bơtau Hùng geh lơh tàm ù tiah thôn 6, xã Dak Buk So, kơnhoàl Tuy Đức, càr Dak Nông dê geh ù tiah niam ngan, mờ bă ù ơnàng 250 thơk vuông, bơh 80 hìu bơnhă làng bol [òn tờm Phú Thọ tàm Dak Nông dê tă pơgồp is. Bơh tềng hơđang dòr bơnơm jơnhoa, hìu duh khuai geh lơh jat hìu đam gơlăng bơtau yô yau dê, mpờl go\ loh làng ngan tàm gùl ù tiah chi che tơlir niam bơh brê bơnơm Tây Nguyên dê.

Ồng Nguyễn Đình Lương, ơm tàm thôn 6, xã Dak Buk So, kơnhoàl Tuy Đức, pà gi\t:

            Bơh ală tu\ tơngai kung mờr 20 nam làng bol ơm kis tàm do, den tu\ do rài kis kung neh bơtàu tơnguh rlau dùl êt, ngan den tàng bè hơ\ mờ làng bol bơyai bal mờ gơ\p tă pơgồp bal nàng lơh gơs hìu duh khuai tàm do. Ờ mìng is làng bol [òn tờm Phú Thọ lơm ờ, mờ jơh bal ală jơi bơtiàn ơm kis gùt dar tàm do kung gơtùi sơl lòt tus nàng kah tus mò pàng, [òn tờm Việt Nam he dê.

            Ồng Bùi Văn Lâm, Cau atbồ Mpồl cau [òn tờm Phú Thọ tàm kơnhoàl Tuy Đức pà gi\t, ală ngai do, làng bol tàm do neh klơm mbar, bo\ piang lă mờ rơcang uă ngan phan bơna nàng ơn pơdơng duh khuai tàm ngai Duh kah bơtau Hùng.

Lài hơ\ tàm ală ngai 8 mờ 9 nam he dê, tàm [làng hìu duh khuai kung geh lơh uă sơl broă lơh tàp pràn să jan mờ ală jơnau nhơl ờs mờng bơh yau, bè: Nhơl bơlai, coh plai, tam truh iar, nhơl cờ tướng…bal mờ ală jơnau đơs crih tam ya pơnrơ is ngan bè, đơs xoan, dròng cing ja` mồng. Ồng Bùi Văn Lâm, đơs bè do:

            Sền gàr bơhiàn ờs mờng bơh yau [òn tờm bơtau Hùng, làng bol bơh tàm [òn tờm mu\t tàm do ơm kis bơtàu tơnguh lơh sa pa den sền do là [òn tờm dơ\ 2, làng bol crơng gơs mpồl lơh broă niam ngan, tàm dong kờl bal mờ gơ\p tàm broă lơh sa mờ rài kis pah ngai jơh nùs ngan, lơh sa bơtàu tơnguh ngan, uă hìu bơnhă neh gơ gơs pas sơm.

Bol a` tàm do den geh jơi bơtiàn ơm kis bơh yau tàm do mờ dùl êt jơi bơtiàn kòn cau ndai, ndrờm dùl [òn tờm bal, ndrờm dùl mò pàng bal den tàng dong kờl bal nàng tìp mat, tam klac bal mờ bal mờ gơ\p bơtàu tơnguh bal tàm broă lơh sa.

            Hìu duh khuai bơtau Hùng tàm Dak Buk So neh gơ gơs là tiah tìp mat, jơnau pơrya bơh làng bol ală jơi bơtiàn tàm tiah nhàr lơgar dê. Bi Điểu Hương, ơm tàm [òn Bu Nrung, xã Dak Buk So pà gi\t, di pah nhai, 3 nhai, tàm tiah duh khuai bơtau Hùng, làng bol bơyai lơh tai pơrjum thôn, [òn.

Bơh tàm do Điểu Hương geh tơl nă cau tàm bơto yal bal bơta mờng chài tàm broă lơh sa, ai càn priă ờ sa priă cồng uă nàng lơh sa. Càn geh 50 tơlak priă, bi neh blơi 1 nơm kơnrồ mờ bàr pe nơm sur, tus tu\ do, rài kis hìu bơnhă bi dê neh dùl bơnah lơi ờ huan kal ke tai. Bi Điểu Hương đơs bè do:

            Hìu duh khuai bơtau Hùng là hìu duh khuai [òn tờm mò pàng dê, gơcèng bơta tam klac bal làng bol [òn lơgar uă ngan. Bơh nam lài, lơh hìu duh khuai tàm do den bơta tam klac bal tàm ù tiah xã Dak Buk So đơs is mờ tàm jơh gùt kơnhoàl đơs bal den ngai sơlơ tam klac rlau tai.

Bơh tiah lơh broă bơh hìu duh khuai dê, dong a` gi\t wa\ loh làng rlau bè mò pàng, ù tiah [òn tờm jơi bơtiàn Việt Nam dê đơs bal mờ oh mi ală jơi bơtiàn kòn cau tàm jơh ală ù tiah tàm dà lơgar.

Cau M'nông dròng cing di tàm ngai duh kau bơtau Hùng

            Ồng Phạm Thiết, Chủ tịch Ủy ban Nhân dân xã Dak Buk So pà gi\t, tơnơ\ mờr 2 nam Mpồl cau [òn tờm Phú Thọ lơh hìu duh khuai bơtau Hùng là tiah duh khuai pin dờn, do kung là tiah nàng kah tus bơhiàn niam chài ờs mờng bơh yau oh kòn bơh bèp sơnrờp Lạc Long Quân mờ mè sơnrờp Âu Cơ dê, tiah răc dan kơ\p kờ` dà lơgar ring lơngai, làng bol lơngăp lơngai.

Do kung là tiah tam klac bal 12 jơi bơtiàn kòn cau oh mi tàm tiah do. Di pah nhai, tus tàm ngai àng ndar me mờ ngai 1 pah nhai, tiah duh khuai do geh pờ mpồng nàng làng bol in lòt chu `àng kah tus mò pàng. Ngai 10/3 nam he, jơh gùt jơi bơtiàn kah tus dà kơlhề crơng gơs dà lơgar bơh ală bơtau Hùng dê, den tàng bè hơ\, ờ go\ tam cah is cau pas halà cau r[ah, sơnam deh, jơi bơtiàn, ờ tam cah is yàng lơi, cau kuang halà cau làng bol, ngai chờ do cau lơi kung ndrờm gơtùi lơm lơh bal:

            Bơta geh dờng ngan rlau jơh là dong làng bol tam klac bal tàm ală tiah tàm ală tu\ lam lơh bơtàu tơnguh lơh sa- mpồl bơtiàn. Bơta tam klac bal làng bol [òn lơgar sơlơ tơnguh uă tai.

Nàng anih duh khuai do lơh jat di adat boh lam den tiah do kung neh dong kờl mpồl cau [òn tờm Phú Thọ bơyai lơh dơ\ lơh chờ pah nam, mờ xã kung dan mờ Phòng Nội vụ kơnhoàl mờ ală anih lơh broă geh gơnoar bơh kơnhoàl dê dong kờl bal nàng anih duh khuai do geh di pal mờ adat boh lam jo\ jòng kơ\ kơl jăp.

Cau mblàng mờ yal tơngi\t- Lơ Mu K’Yến