VOV4.K’ho- Mpồl duh broă Đơng pơlam dunia Broă lơh Kòn bơnus mờ brê bơnơm geh is UNESCO pa bơyai lơh pơrjum pờ tơn tàm internet tàm lơgar Nigieria bơyai lơh đùh sră ring bal sră nggal ală tiah prăp gàr brê bơnơm geh is tàm dunia. Tàm hơ̆, Việt Nam geh 2 tiah prăp gàr brê bơnơm geh is geh ai nàng đùh sră tàm dơ̆ do là Tiah prăp gàr brê bơnơm geh is Kơh bơnơm Kon Hà Nừng tàm càr Gia Lai mờ tiah prăp gàr brê bơnơm geh is là bơnơm Chúa (càr Ninh Thuận).

Tus bal mờ đơs tàm dơ̆ pơrjum, Phó Chủ tịch Ủy ban Nhân dân càr Gia Lai ồng Kpă Thuyên pà gĭt: Tơnơ̆ tŭ dờp, Ủy ban Nhân dân càr Gia Lai hơ lơh jăt niam ală jơnau sồr bơh UNESCO dê nàng kờñ sền gàr ală broă jàu mờ gơnoar broă bơh dùl tiah prăp gàr brê bơnơm geh is, tam gơl Tiah prăp gàr brê bơnơm geh is Kơh bơnơm Kon Hà Nừng gơ gơs broă lơh bơtàu tơnguh lơh sa- mpồl bơtiàn kơ̆ kơl jăp bơh tiah do dê, tàm tơrbŏ bơnĕ bơnài đah prăp gàr li la phan kis bal mờ sền gàr rài kis niam chài is ală jơi bơtiàn dê; đah bơtàu tơnguh lơh sa bal mờ sền gàr tiah ơm kis, ngui dipal phan kuơ geh is, tơnguh uă bơta niam rài kis, bơto bơtê mờ kơlôi sơnơng jak chài.

Cau mblàng Lơ Mu K’Yến