VOV.K’ho-Đơs tus Dà Làc- Lâm Đồng là đơs tus [òn dờng gơ ơm tàm gùl brê bơnơm dờng geh uă ngan tờm nho bềng càl khồm, geh ù tiah brê bơnơm mờ [òn lơgar niam bơne\ mờ trồ tiah mrềt, niam bơne\ sùm gùt nam.

Ală bơta pràn do ờ mìng dong Dà Làc in gơ gơs là anih nhơl chờ ơm rlô pràn să lam bồ lài bơh Việt Nam dê lơm gời ờ mờ gam lam bồ gùt lơgar bè bơtàu tơnguh lơh broă sa sươn sre công nghệ cao, gơ jat bal mờ uă phan bơna geh khà priă uă, niam ngan bơngă ngan mờ gơcèng bơta geh pơnrơ is mờ ờ go\ geh tiah lơi gơtùi geh ờ.

Mờ nàng yal tơngi\t ală bơta pràn, bơta jak hơ\ tus mờ jơh tơl nă cau tàm ù tiah dà lơgar mờ dunia in, hòi jà mờ gơhòi gơ jà ală bơnah priă bơcri nàng bơtàu tơnguh nhơl chờ mờ lơh broă sa công nghệ cao, broă bơyai lơh Festival bơkàu Dà Làc ờs mờng 2 nam dùl dơ\ bơh càr do dê neh gơ gơs là dùl mat phan kă bro tiơng pơnrơ geh uă ngan cau gi\t. Di Festival bơkàu Dà Làc dơ\ 7 pa geh lơh tàm [òn dờng Dà Làc, bol a` geh jơnau cih sền go\ bè broă lơh sa- niam chài geh bơta kuơ màng do.

 Festival bơkàu mờ mat kă bro

Festival bơkàu Dà Làc dơ\ 7 pa jơh lơh tàm ală ngai lồi nam 2017 pa do, mơya, tiah sươn tam bơkàu ală bơta jat gùng dà công nghệ cao ơnàng 6 sàu bơh cau lơh broă sa Lương Thanh Nhàn dê, tàm [òn bơkàu Xuân Thành, xã Xuân Thọ, [òn dờng Dà Làc, càr Lâm Đồng kung gam uă ngan mpồl cau năc lòt nhơl bơh tàm lơgar mờ lơgar ndai lòt còp sền.

Festival bơkàu mờ mat kă bro

Ồng Nhàn pà gi\t, bulah glar ngan mờ lời uă ngan tu\ jiơ nàng bơto pơlam, yal, boh bơr mờ yal tơngi\t bal bè ală broă lơh tàm tu\ lơh sa ai năc lòt nhơl in, mơya tàm nùs nhơm sùm gơlơh chờ hờp ngan mờ pơ`ìơ să ngan tu\ neh tă pơgồp dùl bơnah yal tơngi\t mat phan kă bro bơkàu bơh Dà Làc dê tus mờ uă cau. Ồng Lương Thanh Nhàn, đơs:

Ờ mìng is dùl nă a` lơm gời ờ mờ jơh bal làng bol tàm [òn bơkàu Xuân Thành do den kơ\p kờ` geh uă năc lòt nhơl tus còp sền nàng ai uă cau in gi\t bè phan bơna bơkàu tiah do lơh niam bè lơi. Bơh hơ\, yal tơngi\t geh mat phan kă bro bơkàu bơh [òn bơkàu Xuân Thành bol a` dê geh uă cau gi\t rlau mờ pơnrơ làm ù làm tiah.

Festival bơkàu mờ mat kă bro

Ờ go\ di mìng cau tam bơkàu tàm ală [òn bơkàu bơh yau bơh Dà Làc dê lơm gời ờ, ală mpồl lơh sa kă bro tam mờ kă bro bơkàu kung bơcri uă ngan dà kơlhề bal mờ priă jền nàng tàm sơmbăt tê bal mờ gơnoar atbồ tiah do bơ\t bơtàu ală ù tiah bơkàu niam, drơng jơnau kờ` còp sền mờ lòt nhơl bơh năc lòt nhơl bơh [òn rềp [òn ngài dê.

Festival bơkàu mờ mat kă bro

Jat ồng Phạm Minh Khang, Kuang atbồ Công ty Trách nhiệm hữu hạn Quỳnh Hương Dà Làc yal, jơh ală ndrờm tài bơh bơta bal ai mat kă bro ală bơta phan lơh gơs bơh sươn sre pơnrơ is bơh kơnhoàl ù tiah mrềt do dê tus mờ jơh ală ù tiah [òn lơgar tàm gùt lơgar mờ dunia in, tàm hơ\ geh phan bơna bơkàu. Ồng Phạm Minh Khang, đơs:

Kơ\p kờ` bơh bol a` dê là bơh ală dơ\ Festival do nàng yal tơngi\t măt kă bro bơkàu Dà Làc mờ jơh ală năc lòt nhơl in. Bơta ndai, bol a` là ală cau kòn bơh tiah do dê, den kung kơ\p kờ` tă pơgồp dùl bơnah dà kơlhề bal mờ bơta pràn dềt rơhền bơh he dê tàm dơ\ lơh chờ bal do bơh [òn dờng dê.

Festival bơkàu mờ mat kă bro

Mờ bơta lơh ngan bơh làng bol, mpồl lơh sa kă bro mờ gơnoar atbồ tiah do dê tàm broă tam, lơh mờ yal tơngi\t mat kă bro, bơh 7 dơ\ bơyai lơh Festival bơkàu, bơta niam mờ bơta kuơ bơh bơkàu Dà Làc dê neh ngai sơlơ geh tơnguh uă tai, gơ gơs là tiah tam bơkàu dờng ngan rlau jơh gùt lơgar mờ tiơng pơnrơ tàm làm gùt lơgar, bal mờ 8 rbô lồ ù tam bơkàu, ndrờm mờ 40% bă ù tam bơkàu bơh gùt lơgar dê, geh tus 50% phan bơna tăc tàm drà kă bro.

Tu\ do, pah nam, tiah do tăc tàm drà rlau 2 tơmàn 500 tơlak ntê bơkàu ală bơta, priă lơh geh kờp bal là 750 tơlak dùl lồ dùl nam, tàm hơ\ priă tam bơkàu niam ngan geh bơh 800 tơlak tus 1 tơmàn 200 tơlak tàm tơl lồ, kuơmàng kung geh sơl ală broă tam bơkàu niam ngan geh tus 3 tơmàn priă tàm dùl lồ dùl nam.

Festival bơkàu mờ mat kă bro

Ờ mìng lơh geh priă jền lơh sa uă ngan bơh broă tam bơkàu, Festival bơkàu Dà Làc gam gơ gơs là dùl mat kă bro lơh gơkờ` ngan gơ wèt tus mờ uă năc lòt nhơl bơh tàm dơlam lơgar mờ lơgar ndai.

Pơn jat hơ\ hơ\, khà năc lòt còp sền tàm dơ\ lơh chờ do kung gơguh uă pơndrờm mờ lài, pơgồp bơnah ai mpồl năc tus tàm Dà Làc- càr Lâm Đồng dê lòt còp sền mờ ơm rlô pràn să tàm nam 2017 geh pơgăp 6 tơlak nă năc.

Lòt nhơl [òn dờng Dà Làc tàm dơ\ bơyai lơh Festival bơkàu pa do, bi Nguyễn Châu Thảo là dùl nă năc lòt nhơl bơh [òn dờng Hồ Chí Minh, đơs bè do:

A` sền go\ ù tiah [òn lơgar tàm do gơlơh niam ngan mờ bơkàu den niam bơne\ ngan. Tu\ kơno yal geh bơyai lơh Festival bơkàu den a` tus tài bơh kờ` kah wơl ală tu\ tơngai niam bơne\ ngan bal mờ bơkàu tàm do. Mờ dilah bè tàm 2 nam tus geh lơh tai Festival bơkàu den là a` lòt còp tai [òn dờng do.

Ai jat Đại sứ lơgar Romania tàm lơgar Việt Nam là ồng Valeriu Arteni den đơs, ờ mìng mờ bơkàu mờ ală phan bơna bơh lơh broă sa sươn sre công nghệ cao dê lơm gời ờ, mờ Dà Làc gam geh bơta pràn dờng ngan bè bơtàu tơnguh nhơl chờ.

Do là dơ\ 2 a` tus bal Festival bơkàu Dà Làc mờ a` gơlơh sền go\ sền ngềr ngan bơta bơtàu tơnguh bơh Dà Làc dê bè là dùl mat kă bro, bè dùl càr lơgar bơh lơh broă sa sươn sre Việt Nam dê.

Ală phan bơna bơh Dà Làc dê kung neh tus mờ Rumania sơl, tus mờ uă ngan lơgar ndai mờ ngan ngồn geh uă bơta pràn nàng pơn jat tai bơtàu tơnguh tăc mờ lơgar ndai.

Jat a` den Dà Làc geh lơh geh cồng nha tàm gơnoar broă bơh he dê gam mu\t gơrờm bal mờ dunia tàm bơtàu tơnguh mat kă bro lơh broă sa sươn sre Việt Nam dê, bơtàu tơnguh tiah nhơl chờ dờng ngan rlau jơh bơh lơgar Việt Nam dê mờ digơlan geh gơ gơs là dùl tàm ală tiah nhơl chờ dờng ngan rlau jơh bơh châu Á dê.

Festival bơkàu mờ mat kă bro

Ồng Đoàn Văn Việt, Phó Bí thư Tỉnh ủy, Chủ tịch Ủy ban Nhân dân càr Lâm Đồng đơs ngan, Fetisval bơkàu Dà Làc là dùl jơnau niam chài- lơh sa geh bơta kuơ dờng màng ngan.

Bơh pah dơ\ bơyai lơh là dùl dơ\ đơs ngan tai, jờng rơ cau tam bơkàu, yal tơngi\t ală bơta kuơ bè bơkàu, bè ală bơta phan lơh gơs bơh sươn sre tiơng pơnrơ, mờ phan pơnrơ is ndai bơh Dà Làc- Lâm Đồng dê, bè: Biăp, ce, kơiphê Arabica mờ lòt nhơl lơh sa sươn sre…

Festival bơkàu mờ mat kă bro

Bơh hơ\ nàng càr yal tơngi\t mat kă bro mờ bơta pràn bơh càr he dê, sơlơ gơhòi gơ jà bơcri priă, ai mat kă bro phan lơh gơs bơh sươn sre mờ nhơl chờ bơh Dà Làc- Lâm Đồng dê pin dờn tus mờ dunia, tus bal mờ ală anih lơh gơlik gùt plai ù. Ồng Đoàn Văn Việt, đơs:

Tàm dơ\ bơyai lơh sơnđờm lơh Festival bơkàu den bol a` neh geh cục atbồ bồ tơngoh jak dờp mat kă bro “Dà Làc bơtòm tơrgùm bơta crih crài bơh ù tiah niam”.

Gùng dà bơtàu tơnguh bơh Lâm Đồng dê là mat kă bro biăp mờ bơkàu bơh Dà Làc dê pal lam bồ lài tiah đah jum mat tơngai lik châu Á mờ châu Á, mờ bơtàu tơnguh nhơl chờ geh jat gùng dà nhơl chờ lơh broă sa sươn sre mờ sền do là bơta pràn.

Mờ tu\ do, bol a` neh geh uă mpồl, dà lơgar sền gròi tàm tu\ lơh broă bal bơtàu tơnguh, jat a` den do là bơta geh niam ngan tàm bơta gi\t gơ\p nàng dong bal mờ gơ\p tàm ală tu\ bơtàu tơnguh lơh sa, tàm hơ\ geh nhơl chờ mờ lơh broă sa sươn sre là 2 gah broă lơh pràn bơh bol a` dê.

Festival bơkàu mờ mat kă bro

Broă ngan ngồn geh dờp mat kă bro “Dà Làc- bơtòm tơrgùm bơta crih crài bơh ù tiah niam” là cồng nha lơh geh kuơmàng bơh 7 dơ\ bơyai lơh Festival bơkàu Dà Làc dê mờ là ală tu\ lơh broă, kơlôi sơnơng mờ bơceh pa, sùm kờ` ngan mu\t gơrờm bal bơh làng bol mờ gơnoar atbồ càr Lâm Đồng dê.

Do kung là tu\ tơngai niam nàng Lâm Đồng pơn jat tai ngui geh cồng nha ală bơta pràn mờ bơta jak krơi is, bơ\t bơtàu [òn dờng Dà Làc, càr Lâm Đồng ngai sơlơ bơtàu tơnguh pas sơm niam bơne\ rlau!

Cau cih mờ yal tơngi\t- Lơ Mu K’Yến