VOV4.K’ho - Tơnơ̆ mờ uă dơ̆ pal ơm ing tài kòp Kovid-19, ngai do (07/01), Festival kòi phe Việt Nam dơ̆ 5 nam 2021 geh mùl màl geh sơn đờm lơh tàm càr Vĩnh Long geh Mpồl cau lơh broă sa Việt Nam, Ƀộ Nông nghiệp mờ Phát triển Nông thôn mờ UɃÑZ càr Vĩnh Long pơgồp bal lơh.

Festival geh bơyai lơh bal mờ ală broă lơh pơgồp bal bè: Pơrjum cri bơyai khoa học bè bơ̆t bơtàu mờ tơnguh bơtàu phan OCOP, ală dơ̆ pơrlòng phe bơkah khà măt kă bro Việt Nam, Ràng tơlik cồng nha tơnguh bơtàu lơh sa-bơta chài rơgơi-mpồl bơtiàn càr Vĩnh Long, tiah ring dà dờng Cửu Long mờ ală càr, ƀòn dờng gùt lơgar. Tàm ală dơ̆ pơrjum cri bơyai, ală cau jăk chài, cau atbồ mờ ală mpồl lơh sa kă bro geh cri bơyai jòi geh ală broă lơh jŏ jòng nàng bơsong ală kal ke, sơrlèt mờ ală bơta kal ke nàng wèt tus jơnau kờñ ai kòi phe geh khà măt kă bro Việt Nam tơnguh bơtàu ring niam tàm drà kă bro tàm lơgar mờ lơgar bơdìh.

Cau mblàng Ndong Brawl