VOV4.K’ho-Tơnơ\ tu\ tơn jơh sră pơrgon lơh broă mờ rlau 1.400 nă cau pơgru, tu\ do, càr Gia Lai ờ tơl rlau 2.300 nă cau pơgru kờp jat khà ai kơnòm bơsram. Nàng kờ` broă bơto mờ bơsram tàm nam bơsram pa geh lơh niam, gah bơto bơtê càr do neh rơndăp tăp sèng wơl bơh broă tơrgùm anih hìu bơsram, tơmu\t bal anih bơto bơtê.

Do là gah lơh broă bơh sơnrờp tàm càr Gia Lai lơh jat jơnau cih tàm Nghị quyết 18-NQ/TW mờ Nghị quyết 19-NQ/TW bơh Ban chấp hành Đảng Dà lơgar dê.

Nàng rơcang ai nam bơsram pa in, bơh tàm 3 nhai ơm rlô bơkang tơn, 54 hìu bơsram mẫu giáo, kấp một mờ kấp hai tàm kơnhoàl Chư Sê, càr Gia Lai dùl ròt kờp sền nàng tơrgùm ơdu\ mờ tơmu\t bal hìu bơsram.

Pơn jat hơ\, ală anih hìu bơsram ơm ngài gơ\p ờ hềt tus 3 kơi sồ geh tơrgùm bal wơl, kờ` lơh bè lơi ờ uă rlau ir 31 nă kơnòm bơsram tàm dùl ơdu\ bơsram kấp mầm non, 29 nă kơnòm bơsram tàm dùl ơdu\ bơsram kấp một mờ 42 nă kơnòm bơsram tàm dùl ơdu\ bơsram tàm kấp hai. Bal mờ hơ\, tàm 5 xã, thị trấn, ală hìu bơsram kấp một mờ kấp hai ơm rềp bal geh tơmu\t bal nàng tơrmù [à uă hìu bơsram.

Lồi du\t bơh broă tơrmù, tơrgùm, tơmu\t bal hìu bơsram, ơdu\ bơsram neh dong gah bơto bơtê kơnhoàl dê tơrmù geh 5 hìu bơsram, 78 anih hìu bơsram mờ 92 ơdu\ bơsram.

Ndrờm bal mờ hơ\, 56 nă kuang bàng, cau pơgru jơngkah bơh tàm ală hìu bơsram rềp tiah tờm kơnhoàl geh tàm pơdar lòt bơto tàm ală hìu bơsram tiah sar lơgar ngài nàng kờ` geh tơl cau pơgru bơto.

Klau pơgru  Nguyễn Văn Thu là dùl tàm ală cau pơgru dan ntrờn lơh broă is bơh hìu bơsram kấp hai Chu Văn An, thị trấn Chư Sê rê bơto tàm hìu bơsram kấp hai Phan Đăng Lưu, xã A Yun, xà tiah kal ke uă ngan bơh kơnhoàl Chư Sê dê pà gi\t.

Jơnau do den hìu bơsram neh mblàng yal niam ngan, jat tàm nùs nhơm lơh jat di nghị quyết dà lơgar dê. Jơh tơl nă cau ndrờm ơn să tờm he tàm bơta rơcang lài dilah gơ ơm tàm sră cih mat cau pal tàm pơdar lòt bơto tiah ndai. Să tờm a` den là dùl nă cau pơgru dan ntrờn is bơh hìu bơsram ơm tàm [òn lơgar [ươn [oài nàng lòt bơto tàm hìu bơsram kal ke uă ngan.

Kong mờ bơta kal ke gàr khà kơnòm bơsram bơh broă tơrgùm anih hìu bơsram, tàm nhai rlô bơkang tơn, Phòng Giáo dục mờ Đào tạo kơnhoàl Chư Sê pơgồp bal đoàn ơruh pơnu, mpồl cau ùr, cau kra [òn, cau geh bơngă pin dờn tàm ală xã, thị trấn bơyai lơh mblàng yal, tơnguh uă jơnau gi\t wa\ bơh mè bèp kơnòm bơsram dê tàm broă jun kòn lòt bơsram.

Bal mờ hơ\, Kes priă Dong kờl bơsram kơnhoàl Chư Sê dê neh tă pơgồp geh gi\t nđờ rhiang blah ào mpha, sră măy, sră cih, mơkung hòi jà tă pơgồp mờ jàu pà 200 nơm rơndeh coh dong kờl kơnòm bơsram r[ah, kơnòm bơsram kòn cau kấp một [ươn [oài lòt bơsram. Ồng Đoàn Hoàng, Chủ tịch Mpồl dong kờl bơsram kơnhoàl Chư\ Sê pà gi\t.

 A` pơyua sră geh bal sră cih mat kơnòm bơsram r[ah, kòn đời, kal ke ală mpồl lơh sa kă bro in. Tơnơ\ hơ\, khi bal mờ bol a` lòt jàu phan ai kơnòm bơsram in. Khi dong kờl ngan, dùl nùs bal mờ jờng rơ broă lơh bơh Phòng Giáo dục mờ Đào tạo mờ Mpồl dong kờl kơnòm bơsram dê. Ală kal ke bè sră măy, sră cih, ze\p kho\ mờ kơnòm bơsram ờ hềt geh den Mpồl geh jòi tơl ală broă nàng dong kờl. Ờ lời kơnòm bơsram kòn cau lơi siơ\u siar pal sơrbì bơsram.

Pơndrờm mờ khà ai cau pơgru ndrờm pal mờ khà kơnòm bơsram, tàm nam bơsram pa 2018- 2019 do, gah bơto bơtê mờ bơsram càr Gia Lai ờ tơl rlau 2.300 nă cau pơgru.

Mơya, mờ nùs nhơm lơh jat ală Nghị quyết 18-NQ/TW mờ Nghị quyết 19-NQ/TW bơh Ban Chấp hành Đảng Dà lơgar dê, gah bơto bơtê càr neh bơyai lơh, rơndăp tăp sèng wơl jat gùng dà tơrmù, tơrgùm wơl.

Tus tu\ do, jơh gùt càr Gia Lai neh gơmù geh 59 hìu bơsram, 205 ơdu\ bơsram bơh mầm non tus kấp ba. Bal mờ hơ\, 177 nă kuang bàng atbồ bal mờ gi\t nđờ rhiang nă cau pơgru jơngkah tàm tiah ờ kal ke geh ai lòt bơto tàm tiah sar lơgar ngài nàng dong gah bơto bơtê lơh niam kơnòl broă bơto mờ bơsram. Ồng Huỳnh Văn Tâm, Giám đốc Sở Nội vụ càr Gia Lai pà gi\t tai.

Tàm nam bơsram 2018- 2019 do, càr Gia Lai digơlan ờ tơl 2.328 nă cau pơgru. Do là bơta gơ jal ngan kờ` ngan tàm càr. Broă lơh bơto bơtê pal geh lơh niam jat tàm bơta tơmu\t bal, tơrgùm bal hìu bơsram.

Jat jơnau sồr bơh Bộ Nội vụ dê, bol a` neh tơrgùm kờp jơh ală broă nàng rơndăp tăp sèng wơl mpồl kuang bàng công chức jat gùng dà rơndăp tăp sèng wơl hìu bơsram ơdu\ bơsram, kờp du\ bè lơi nàng gơ in lơh niam broă bơsram bơh ală oh dê tàm ală hìu bơsram, ală ơdu\ bơsram.

Bal mờ nùs nhơm rơcang lài, jơh nùs, gah bơto bơtê mờ bơsram càr Gia Lai neh jơh rơcang, hơ pơrgon lơh jat niam kơnòl broă bơto mờ bơsram tàm nam bơsram pa 2018- 2019.

Cau mblàng Lơ Mu K’Yến