VOV4.K’ho- Lơh jat jơnau đơng lam bơh gah đơng lam mpồl ling sền gàr tiah nhàr dà lơgar bè sơlơ lam lơh kơnòl broă rơcang sơndră kòp tàm tiah nhàr đah jum mat tơngai mut dà lơgar, pa do, Đảng ủy, Gah đơng lam mpồl ling sền gàr tiah nhàr dà lơgar càr Ninh Bình bơyai lơh jàu kơnòl broă ai 40 nă kuang bàng, cau ling là sĩ quan, cau ling mờng chài dong mpồl ling sền gàr tiah nhàr dà lơgar càr Long An sền gàr tiah nhàr dà lơgar mờ rơcang sơndră kòp Covid-19.

Đơs đơng lam tàm dơ̆ jàu kơnòl broă, Thiếu tướng Lê Quang Đạo, Phó Kuang đơng lam mpồl ling sền gàr tiah nhàr dà lơgar sồr Gah đơng lam mpồl ling sền gàr tiah nhàr dà lơgar Ninh Bình sùm pơgồp bal nền nòn mờ kấp ủy, đơng lam ală mpồl ling sền gàr tiah nhàr dà lơgar mờ ală mpồl ling tàm tiah nhàr dà lơgar; atbồ, sền gròi, git nùs nhơm, sền sơ wì cồng nha broă lơh bơh kuang bàng, cau ling dê; lam lơh niam broă dong kờl ling klàng nàng ală oh mi tàm tiah lam lài sơndră kòp iang nùs, lơh niam kơnòl broă geh jàu.

Cau mblàng K’Duẩn