VOV4.K’ho- Nàng drơng jơnau kờñ lòt rê bơh làng bol dê tàm dơ̆ sa tềp bơhiàn yau 2022 mờr tus, Tổng Kông ty gùng rơndeh ồs Việt Nam neh mờ gam pờ tac ală yô rơndeh nac Thống Nhất gơl lòt Hà Nội- Sài Gòn, gơl lòt Đà Nẵng- Sài Gòn. Kuơmàng, bơh ngai 04/01/2022, gah gùng rơndeh ồs pơn jat tai pờ tac vĕ  rơndeh ồs ală càr, ƀòn dờng bơh ƀòn dờng Hồ Chí Minh lòt tus Phan Thiết, Nha Trang, Quy Nhơn, Quảng Ngãi mờ sơ lơŭ wơl.

Ală rơndeh ồs do kung gam ngui broă lơh jơh bè ờs khoang, jơh bè ờs toa mờ ală broă pơn jờng bè tơrmù khà priă vĕ bơh 10 tus 15%, geh drơng sàu sa ờ sa priă tàm rơndeh ồs, tàm ală anih rơndeh ồs ơm, nac geh rơndap ai cơldŭ ơm kơp halà anih ơm kơp rơndeh ồs is mờ rơndap ai gùng lòt is tŭ guh, mù bơh rơndeh ồs... Kờñ gàr niam ờdo ờdă ai nac đì rơndeh ồs in, gah rơndeh ồs pơn jat tai gàr sùm ală broă lơh rơcang sơndră kòp Kovid-19; sơlơ tơnguh broă lơh gàr kloh niam tiah ơm kis, lơh kloh khuẩn; rơndap ơn dà ràu tê, dà lơh kloh khuẩn; lam lơh broă was khà duh să jan ai nac in tŭ mut tàm anih rơndeh ồs ơm, tŭ guh đì rơndeh ồs...

Cau mblàng K’Duẩn