VOV4.K’ho- Drim òr 15/8, ồng Nguyễn Xuân Phúc, Thủ tướng Chính phủ tus mờ geh jơnau đơs đơng lam tàm dơ\ pơrjum bal Pơrjum lơh broă mờ lơgar ndai dơ\ 30 mờ tơngume: “Gùng dà lơh broă mờ lơgar ndai: Lơh pràn lơh broă mờ lơgar ndai drơng bơtàu tơnguh tàm tu\ tơngai mu\t gơrờm bal mờ dunia làm uă”.

Thủ tướng cùp rùp mờ ală kuang bàng lòt Pơrjum

Thủ tướng đơs ngan, ală cồng nha lơh geh bơh dà lơgar dê geh bơta tă pơgồp kuơmàng bơh broă lơh lơh broă mờ lơgar ndai dê, tàm hơ\ geh broă pơgồp bal niam đah bơta pràn tàm lơgar mờ lơgar ndai nàng pơgồp bơnah tam gơl rơndăp tăp sèng lơh sa, lơh geh khà gơguh tai uă sùm tàm tơngai lài.

Đơs uă, broă lơh lơh broă mờ lơgar ndai pal pơgồp bơnah sền gàr tiah ơm kis ring lơngai, kơ\ kơl jăp mờ bơtàu tơnguh, Thủ tướng sồr ală kuang bàng lơh broă mờ lơgar ndai ngui niam bơngă kuơmàng bơh Việt Nam dê, lơh geh bơnàng jă mờ bơta kơldìng ai bơtàu tơnguh in. Gah lơh broă mờ lơgar ndai pal pơgồp bal làm gah nàng jòi gơlik ală gùng dà broă lơh bơceh pa, ngac ngar, tơnguh uă bơngă dà lơgar dê.

Cau mblàng Lơ Mu K’Yến