VOV4.K’ho- Ală gah mblàng yal jơnau dờng bơh lơgar Nhờk dê sồ ai tơlik ngai 22/11 bè Mainichi, Nikkei, Jiji.... dùl ròt yal tơnggit jơnau bè dơ̆ lòt còp ngan ngồn lơgar Nhờk bơh Thủ tướng Chính phủ Việt Nam ồng Phạm Minh Chính dê sơn đờm bơh ngai 22 tus ngai 25/11. Sră ƀău Mainichi đơs nền, Thủ tướng Phạm Minh Chính là nac dà lơgar sơn rờp lòt còp ngan ngồn lơgar Nhờk kờp bơh tŭ gơnoar atbồ lơgar bơh Thủ tướng lơgar Nhờk ồng Fumio Kishida dê ngan ngồn tơlik mat. Dơ̆ lòt còp kờñ lam lơh ngan ngồn broă lơh bal 2 lơgar tàm uă gah bè sền gàr lơngap lơngai, lơh sa... wèt tus lam lơh jat ngan ngồn tiah Ấn Độ- Thái Bình Dương khat gơboh mờ pờ ơnàng. Tàm dơ̆ lòt còp dơ̆ do, tàm ngai 24/11, Thủ tướng Phạm Minh Chính geh dơ̆ tìp mat cribơyai broă mờ Thủ tướng lơgar Nhờk ồng Fumio Kishida, cribơyai bè ròt mpồl lơh gơlik phan gùt plai ù, rề ơnàng broă ai cau pơlam tàp lơh broă Việt Nam lơh broă tàm lơgar Nhờk, broă dunia geh broă tàm dà lềng đah mat tơngai lik mờ Hoa Đông.

Cau mblàng K’Duẩn