VOV4.K’ho- Tàm nhai 6 do, 3 Ngân hàng geh SeaBank, MSB mờ SHB hơ pơrgon ai Gah rơndeh par Việt Nam (Vietnam Airlines) in càn priă, mờ kờp jơh khà priă ai càn 4 rbô tơmàn đông. Jat jơnau yal bơh Bộ Kế Hoạch mờ Đầu tư dê, kòp Covid-19 lơh gah rơndeh par pal kong gơ rềng kơn jơ̆ ngan rlau jơh, ală gah rơndeh par gam hời rơhời jơh bơta pràn bè priă jền, geh tŭ Gah rơndeh par dà lơgar Việt Nam gam pơhìn ờ jai tơm dồs.

Vietnam Airlines hoàc huơr rlau 4 rbô 800 tơmàn đông tàm quý 1 mờ kờp dŭ bơnah hoàc huơr tàm 6 nhai nam do gơguh tus 10 rbô tơmàn đông. Tŭ do, gah rơndeh par do gam geh khà priă dồs pal tơm neh rlau tơngai hơ pơrgon tơm gơguh tus 6 rbô 240 tơmàn đông mờ gam ơm tàm bơta kal ke ngan. Tŭ do, Vietnam Airlines gam bal mờ 3 ngân hàng cribơyai ală sră pơrgon càn priă, dilah ờ geh bơta lơi tam gơl den tàm nhai 6 halà bồ nhai 7, ală ngân hàng geh tă bơnah priă 4 rbô tơmàn đông ai Vietnam Airlines in.

Cau mblàng K’Duẩn