VOV4.K’ho- Bal mờ ală sră pơyoa tam pà bal bơta moat jrùm bơh uă Kuang đơng lam bồ ală lơgar tàm dunia dê, gah yal tơng^t jơnau dunia ală ngai do kung neh yal tơng^t dùl ròt ală jơnau cih bè bơta chơ\t bơh Chủ tịch lơgar ồng Trần Đại Quang dê, mờ nùs nhơm kah sơnnđàc pơlai soh uă ngan.

Mơ tơn bơh tu\ g^t jơnau chơ\t Chủ tịch lơgar ồng Trần Đại Quang chơ\t tàm ngai 21/9, dùl ròt ală gah yal tơng^t jơnau tàm dunia neh yal tơng^t tơn jơnau yal, yal bè rài kis broă lơh bơh Chủ tịch lơgar ồng Trần Đại Quang dê, mơkung đơs tus ală bơta tă pơgồp uă ngan bơh Chủ tịch lơgar dê gơ wèt mờ [òn lơgar, dà lơgar. Uă jơnau cih kuơ màng đơs ngan tus gơnoar broă bơh Chủ tịch lơgar ồng Trần Đại Quang tàm gah lơh broă mờ lơgar ndai, dong tơnguh bơngă mờ bơta pin dờn bơh lơgar Việt Nam dê tàm dunia.

Sră ba\o Granma lơgar Cuba dê geh jơnau cih: “Cuba lòt bal mờ Việt Nam tềng đap bơta chơ\t bơh của Chủ tịch lơgar ồng Trần Đại Quang”. Jơnau sră ba\o đơs là bơta chơ\t bơh Chủ tịch lơgar Việt Nam dê là dùl bơta roh rui dờng ngan ờ mìng mờ dà lơgar Việt Nam lơm gời mờ gam gơ wèt mờ Chính phủ bal mờ làng bol lơgar Cuba tàm bơnàng jă bơta g^t gơ\p lơh bơyô bal mờ lơh broă bal đah 2 lơgar dê.

Ờ mìng bè hơ\ lơm, Chủ tịch lơgar ồng Trần Đại Quang gam cèng tus dùl tềl tơngo\ krơi is tu\ ồng là dùl nă kuang bàng dờng màng lơgar ndai du\t ndơl mờ Kuang đơng lam bồ Kac màng lài do lơgar Cuba dê là bồc ồng Fidel Castro neh tìp mat lài mờ tu\ ồng chơ\t.

Ai sră ba\o Prensa Latina neh hòi Chủ tịch lơgar ồng Trần Đại Quang là dùl nă “cau bơyô dờng” Cuba dê, cau neh dong pràn kơl dang ngan bè bơta g^t gơ\p kah yau bơh nùs nhơm oh mi đah 2 jơi bơtìan dê .

Sră Nhật báo lơgar Lo (Chinadaily) kung neh geh jơnau cih bè ală ngai lơh broă jơh nùs, jơh pràn du\t ndơl bơh Chủ tịch lơgar ồng Trần Đại Quang, mờ broă đơng lam dơ\ wă ală Kuang atbồ Mpồl tus bal Pơrjum dờng anih lơh broă kiểm toán dờng ngan rlau jơh châu Á (ASOSAI) dơ\ 14, tàm càr lơgar Hà Nội 2 ngai lài mờ tu\ ồng chơ\t.

Tàm tu\ hơ\, Nhật báo Gazeta, Gah yal tơng^t jơnau TASS lơgar Nga, kung đơs wơl ală tă pơgồp kuơ màng bơh Chủ tịch lơgar ồng Trần Đại Quang, tàm bơta g^t gơ\p đah Việt Nam mờ Nga.

Ală sră ba\o cih yal wơl dùl gơl jơnau lùp bơh gah yal tơng^t jơnau TASS, geh lơh mờ Chủ tịch lơgar ồng Trần Đại Quang, tàm dơ\ lòt còp tus lơgar  Nga tàm nam 2017, jat hơ\ đơs ngan, lơgar Nga mờ Việt Nam sùm geh dùl gơ\p bơyô jơh nùs song dơ  pă, geh sền gròi bơh uă tu\ tơngai 

Ai ală gah mblàng yal jơnau dờng bơh lơgar Mỹ dê bè CNN, Bưu điện Washington kung neh jờng rơ ală tă pơgồp dờng ngan bơh Chủ tịch lơgar ồng Trần Đại Quang dê tàm broă dong lơh pràn gi\t gơ\p đah 2 lơgar, bal mờ dùl tềl kah dờng màng ngan bơh ală dơ\ cribơyai mờ 2 nă Kuang atbồ lơgar Mỹ là ồng Barack Obama, Kuang atbồ lơgar Mỹ lài do tàm nhai 5/2016 mờ Kuang atbồ lơgar Mỹ tu\ do là ồng Donald Trump tàm nhai 11 nam lài.

Ală gah mblàng yal jơnau dờng bơh lơgar Nhờk dê bè Đài NHK, Jơnau yal tơnggi\t lơgar Nhờk (Japan News), Thời báo lơgar Nhờk (Japan Times), Asahi,.... ndrờm yal wơl bè rài kis, broă lơh, tàm hơ\ đơs tus ală gơnoar broă kuơmàng mờ ồng Trần Đại Quang, Chủ tịch lơgar lơh bơh nam 1975 tus tu\ do.

Ală gah yal tơngi\t jơnau AFP lơgar Tây dê mờ Reuters lơgar Anh dê yal wơl jơnau đơs bơh cau sơ pơ\ bơr bơh Bộ Ngoại giao lơgar Lo dê là ồng Cảnh Sảng jờng rơ ồng Trần Đai Quang, Chủ tịch lơgar Việt Nam là dùl nă kuang đơng lam bồ pơnrơ ngan mờ geh uă tă pơgồp tàm broă lơh tam gơl pa bơtàu tơnguh mờ pờ mpồng bơh Việt Nam dê.

Gơ wèt mờ gơ\p bơyô dunia, ồng Trần Đại Quang, Chủ tịch lơgar là dùl nă  kuang bàng đơng lam bồ jak chài ngan, dùl nă cau bơyô niam ngan, ai geh bơta sền dờng màng bơh làng bol mờ gơ\p bơyô dunia dê. Nàng tơlik nùs nhơm kah sơnđàc ngan gơ wèt mờ bơta chơ\t bơh Chủ tịch lơgar Việt Nam dê, uă mpồl kuang bàng kấp dờng màng ală lơgar dê neh tus Việt Nam nàng tus bal dơ\ bơyai lơh dà lơgar ies tơ\p [ồc tàm 2 ngai là ngai 26 mờ 27/9.

Tàm Cuba, Lào mờ Thái Lan, dà lơgar bơyai ies tơ\p [ồc kung geh bơyai lơh sơl nàng kah kơlôi tus ồng Trần Đại Quang, Chủ tịch lơgar Việt Nam.

Cau mblàng Lơ Mu K’Yến mờ K’Hạnh