VOV4.K’ho - {òn Kleng, thị trấn Sa Thầy, kơnhoàl Sa Thầy, càr Kon Tum geh 242 hìu mờ rơlao 1 rơbô nă làng bol. Tàm hơ\ geh 89 hìu rơ[ah 12 hìu ndrờm mờ rơ[ah mờ là [òn gơwèt [òn kal ke ngan. Den tàng, tàm ală nam do, làng bol kis tàm [òn Kleng, tàm hơ\ uă ngan là ală hìu rơ[ah, ndrờm mờ rơ[ah geh Dà lơgar bal mờ càr Kon Tum sền gròi mờ dong kờl kờ` tơnguh bơtàu lơh sa mờ tơnguh rài kis làng bol in.

Mơya bơta ờ niam tàm do kung là gơrềng tus mờ ală broă dong kờl, uă làng bol gam ờ su\k ơm mờ kuang atbồ [òn neh at gơnoar mờr 10 nam do. Làng bol đơs là, kuang atbồ [òn neh lơh uă broă ờ di pal mờ nùs nhơm, kơnòl kờ` lơh geh kuơ is bơh hìu rơ[ah.

Cau lài ngan mờ bol a` geh tìp kờ` jòi jơnau hơ bơh jơnau lùp: geh lah ờ geh jơnau kuang atbồ [òn Kleng lơh geh kuơ is bơh hìu rơ[ah là ồng A In, Kuang atbồ mpồl lơh broă Mậ trận [òn, kuang geh jơng Uỷ ban Mặt trận dà lơgar Việt Nam càr Kon Tum hơ tơn jơnau lùp bơh cau ai jơnau tơng^t dê.

                          Lo\ Gô yal, mẹ lo\ pal ai priă kuang atbồ [òn in tu\ geh Dà lơgar dong kờl

Ồng A In đơs tòm, să tòm kung kơno làng bol tàm [òn đơs uă broă ờ niam bơh ồng A Toanh, kuang atbồ [òn bơh tu\ ồng do guh lơh kuang atbồ [òn pơgăp mờ do mờr 10 nam:

-Ală hìu làng bol đơs là, pa do geh broă dong kờl bơh broă lơh 755, kuang atbồ [òn tă priă di lah hìu geh dong kờl 15 tơlăk priă den kuang atbồ [òn sồr pal jào 1 tơlăk priă. Gam ală hìu geh dong kờl 5 tơlăk priă den kuang atbồ [òn sồr pal jào wơl 500 rơbô priă.

Hơ\ sồng ală gah broă ndai. Sră bảo hiểm kuang atbồ [òn tơngai lơh broă sơnrờp tă 2 rơbô priă. 2 nam do, bơh jơnau đơs làng bol dê là kuang atbồ [òn tă tơl sră bảo hiểm y tế là 5 rơbô priă.

Broă lơh 755 mờ ồng A In, kuang atbồ broă Mặt trận [òn đơs tus mùl màl là kơrnoăt sồ 755, ngai 20 nhai 5 nam 2013 bơh Thủ tướng Chính phủ k^ kờ` dong kờl ù lơh hìu ơm, ù lơh sa, dà ngui sa a hìu làng bol kòn cau rơ[ah mờ hìu ndrờm mờ rơ[ah tàm xã, [òn kal ke in.

Jơnau yal bơh UBND thị trấn Sa Thầy pà go\, [òn Kleng geh 16 hìu geh dờp priă dong kờl ù lơh sa, tàm hơ\ 13 hìu geh dờp 15 tơlăk priă tàm 1 hìu, 2 hìu rơlao 14 tơlăk priă tàm 1 hìu mờ 1 hìu rơlao 10 tơlăk priă. Mờ tơngu me dờp priă dong kờl blơi phan lơh broă kờ` tam gơl broă lơh sa, [òn Kleng geh 6 hìu geh dờp bơh broă dong kờl 5 tơlăk priă tàm 1 hìu.

Bè jơnau yal ală hìu geh dờp priă dong kờl pal jào wơl kuang atbồ in 1 khà priă, lo\ Y Gô đơs, jơnau do là geh ngan, tài mè tòm lo\ neh pal 2 dơ\ jào priă kuang atbồ [òn in:

-Dà lơgar dong kờl mè 15 tơlăk priă. Ai kuang atbồ [òn in lài 300 rơbô priă. Kuang atbồ [òn lùp 1 tơlăk priă tai. Kuang atbồ [òn yal là lòt nhơl mờ kuang bàng lơh broă tàm xã hùc dà.

Jăt jơnau yal bơh uă làng bol tàm [òn Kleng, tàm mờr 10 nam lơh kuang atbồ [òn, ồng A Toanh neh lơh uă broă ờ di mờ nùs nhơm, kơnòl kờ` lơh geh kuơ is bơh hìu rơ[ah, bè broă jào wơl tơl hìu geh Dà lơgar ai sơntìl cao su bơh 20 tus 25 tòm; tă priă bơnah rơhiang gơwèt mờ hìu geh Dà lơgar tơm ntrờn ù tàm broă lơh ơnàng gùng lòt.

Mìng is broă tă priă pah tu\ jào sră bảo hiểm y tế ai rơlao 1 rơbô nă làng bol tàm [òn in geh sùm tàm uă nam do. Làng bol yal dơ\ jào sră bảo hiểm y tế nam 2018 tàm nhai 1 lài do, kuang atbồ [òn A Toanh neh tă tơl sră bảo hiểm y tế 5 rơbô priă.

             Lo\ Hlil yal, lo\ pal tă 45 rơbô priă hơ\ sồng geh ai 9 pang sră bảo hiểm y tế bơh kuang atbồ [òn

Khà tă do geh kuang atbồ [òn ngui tàm 2 nam do, den ală nam lài là 2 rơbô priă. Hìu nhă gơwèt hìu rơ[ah, hìu geh 9 nă cau pal lơh broă ơpah hơ\ sồng geh piang sào pah ngai, lo\ Hlih gam kah ngan, ngai tus hờ hìu kuang atbồ [òn kờ` ai sră bảo hiểm y tế:

-Kuang atbồ [òn hòi  a` guh hờ đang hìu ai sră bảo hiểm. 1 nơm sră 5 rơbô priă. 9 nơm sră tus 45 rơbô priă bè hơ\ mơ. A` lòt lơh broă ơpah cau in 1 ngai geh 100 rơbô priă, ai ồng hơ\ in 45 rơbô priă gam tai 55 rơbô priă mơ kờ` ngui sa tàm hìu nhă.

Cri bơyai mờ cau ai jơnau tơng^t bè ală jơnau làng bol yal, kuang atbồ [òn Kleng A Toanh đơs là, ală jơnau ờ niam mờ làng bol đơs tus mờ ồng là tài geh ờ uă cau geh nùs nhơm gơjra` mờ ồng, den tàng geh jơnau đơs ờ niam.

                Tus nhai 3 nam do, ồng A Toanh, kuang atbồ [òn Kleng kung gam prăp 6 pang sră bảo hiểm làng bol

Mơya ồng A Toanh kung dờp là să tòm ồng tàm ờ uă broă lơh geh dờp priă, sơnđan là priă xăng làng bol pà is tài go\ kuang atbồ [òn lơh broă sơnđàc ngan:

-A` ờ lơh bè hơ\, tài geh ờ uă làng bol geh nùs nhơm gơjra` mờ a`. să tòm a` bè tu\ lòt lơh broă, broă lơi lơh làng bol in di lah làng bol go\ bè ngai lơh broă a` dê den làng bol sơnđàc mờ pà priă xăng a` in 10 rơbô, 20 rơbô lơi. Làng bol pà is, a` ờ go\ dan bơnah rơhiang lơi.

Jơnau mờ kuang atbồ [òn Kleng, thị trấn Sa Thầy, gơbàn làng bol đơs là geh uă broă lơh ờ di, tu\ do neh rơlao mờ gơnoar [òn dê. Jăt jơnau sồr bơh làng bol tàm [òn, ồng A In, kuang atbồ mpồl lơh broă Mặt trận [òn neh yal broă do tàm 1 pơrjum mờ Uỷ ban Mặt trận dà lơgar Việt Nam càr Kon Tum.

Gơnoar atbồ thị trấn Sa Thầy, kung neh g^t jơnau yal mờ gam lùp sền lơh loh. Gah bảo hiểm xã hội kung neh đơs, ờ geh jơnau làng bol blơi sră bảo hiểm y tế pal tă priă pơn diang tu\ dờp sră bảo hiểm. Kơ\p kờ` là, broă do gờ` geh lơh loh kờ` cau geh tìs g^t mờ tơmàl mờ làng bol kis tàm [òn Kleng geh jơh nùs nhơm ờ su\k ơm neh bơh uă nam do.

Cau cih mờ yal tơng^t Ndong Brawl