VOV4.K’ho- Tàm dơ\ pơrjum báo bơh Ủy ban Nhân dân càr Daklak dê bơyai lơh mho òr 5/12, ala mat Sở Công thương càr Daklak đơs wơl jơnau yal tàm jơnau cih “Daklak: 30 nam ờ geh ồs đèng, [òn r[ah ờ hềt geh gùng dà lik klàs” neh yal mờ pờ tàm ală anih yal tơngi\t jơnau bơh Anih jơnau đơs Việt Nam dê.

Gùng lòt tus [òn Nà Ven

Pơn jat hơ\, [òn Nà Ven, xã Ea Wer, kơnhoàl Buôn Đôn geh lơh ồs đèng lài mờ nam 2018. Ồng Huỳnh Ngọc Dương- Phó Kuang atbồ Sở Công thương càr Daklak pà gi\t, ờ mìng [òn Nà Ven, xã Ea Wer, kơnhoàl Buôn Đôn lơm gời ờ mờ jat tơrgùm kờp nhai 7 nam 2015, tàm Daklak gam 250 [òn ờ hềt geh gùng che ồs đèng dà lơgar.

Tu\ do, càr gam lơh rơndăp broă lơh ồs đèng [òn lơgar bơh gùng che đèng dà lơgar dê, tơngai bơh nam 2017- 2020, mờ kờp jơh priă tă lơh là 887 tơmàn; digơlan tàm tơngai dơ\ 1 (tus jơh nam do) geh lơh đèng ai 40 [òn in.

Ồng Huỳnh Ngọc Dương hơ jơnau lùp bơh cau lơh báo dê

Mìng is [òn Nà Ven neh geh cih mat tàm sră cih mat lơh đèng tàm tơngai dơ\ 2 bơh rơndăp broă lơh dê, mơya tu\ do gah lơh ồs đèng neh geh broă rơndăp lơh tàm nam 2018. Ồng Huỳnh Ngọc Dương, pà gi\t:

“ Tơnơ\ tu\ geh báo yal, den Sở Công thương neh ai oh mi tus sền bơta geh ngan bơh [òn Nà Ven dê ờ hềt geh ồs đèng bè báo yal là ngan ngồn lơm; ờ hềt geh đèng là bòl glar kal ke ngan.

Bơh bồ nam 2018- 2020, geh gam wơl 210 [òn geh pơn jat tai lơh tàm tơngai dơ\ 2. {òn Nà Ven neh geh mat tàm tơngai dơ\ 2. Pa do, tơnơ\ tu\ báo yal, bol a` neh lơh broă mờ Gah ồs đèng càr Daklak den tu\ do Gah ồs đèng Daklak gam ngui priă bơcri JICA, mờ digơlan tàm nam 2018 tus do geh ai priă jền mờ lơh đèng lài ai [òn Nà Ven, xã Ea Wer, kơnhoàl Buôn Đôn in”.

Cau cih mờ yal tơngi\t- Lơ Mu K’Yến