VOV4.K’ho- Drim ngai (23/7), geh tai 1 tơlak 228 rơbô 500 ding vaccine  AstraZeneca neh geh jun rê tus ƀòn dờng Hồ Chí Minh. Do là dơ̆ jàu vaccine dơ̆ 5 mờ kung là khà vaccine uă ngan rlau jơh bơh lài tus tŭ do dê gơwèt sră pơrgon blơi vaccine lài đah AstraZeneca Việt Nam mờ Công ty Cổ phần vaccine Việt Nam (VNVC), bơh bơta dong kờl bơh Bộ Y tế dê. Bè hơ̆, kờp tus tŭ do, sră pơr gon blơi lài đah AstraZeneca Việt Nam mờ VNVC (geh kĭ hơ tàm nhai 11 nam 2020) neh cèng rê ai Việt Nam in 3 tơlak 100 rơbô ding, ndrờm mờ 37% kờp jơh khà vaccine kơryan kòp Covid-19 bơh AstraZeneca dê tàm lơgar. Khà gam wơl tus bơh Broă lơh COVAX mờ dong kờl 2 gah đah Chính phủ ală lơgar dê.

Jat mò Vũ Thị Thu Hà, Kuang atbồ ai ală broă lơh cĭt sơnơm vaccine VNVC yal, mờr tus gĭt nđờ jơ̆t tơlak ding vaccine kơryan kòp Covid-19 bơh AstraZeneca dê pơn jat tai geh cèng rê Việt Nam in jat sră pơrgon blơi 30 tơlak ding vaccine bơh  VNVC.

Cau mblàng K’Hạnh